25 ஆகஸ்ட் 2019

இயக்குநர் சங்க நிர்வாகிகள் தேர்தல்: தலைவர் பதவிக்கு 4 பேர் வேட்புமனு

DIN | Published: 12th July 2019 01:02 AM


தமிழ்த் திரைப்பட இயக்குநர்கள் சங்கத் தேர்தலில் தலைவர் பதவிக்குப் போட்டியிட இயக்குநர்கள்  எஸ்.பி.ஜனநாதன், ஆர்.கே.செல்வமணி, அமீர் உள்ளிட்ட 4 பேர் வேட்புமனு தாக்கல் செய்தனர். 
விக்ரமன் தலைமையிலான குழு, இயக்குநர்கள் சங்க நிர்வாகத்தைக் கவனித்து வந்தது. இந்த நிர்வாகத்தின் பதவிக் காலம் முடிவடைந்ததையடுத்து, புதிய நிர்வாகக் குழு தேர்வு செய்யப்பட வேண்டும்.
இந்த நிலையில் பெரும்பான்மையான உறுப்பினர்களின் ஆதரவுடன்  பாரதிராஜா சங்கத்தின் தலைவராகத் தேர்வு செய்யப்பட்டார். 
ஆனால், தலைவர் பதவியிலிருந்து பாரதிராஜா திடீரென்று ராஜிநாமா செய்தார்.
 இதையடுத்து, இயக்குநர்கள் சங்கத்துக்கு வரும் 21-ஆம் தேதி தேர்தல் நடைபெறுகிறது. தலைவர், துணைத் தலைவர், செயலாளர், பொருளாளர், செயற்குழு உறுப்பினர்கள் ஆகிய பதவிகளுக்காக இந்த தேர்தல் நடைபெறுகிறது. ஓய்வு பெற்ற நீதிபதி செந்தில்நாதன் தேர்தல் அதிகாரியாக நியமிக்கப்பட்டுள்ளார்.
தேர்தல் அதிகாரியிடம் தலைவர் பதவிக்குப் போட்டியிட ஆர்.கே.செல்வமணி, எஸ்.பி.ஜனநாதன், அமீர், வித்யாதரண் ஆகிய 4 பேர் வேட்பு மனு தாக்கல் செய்துள்ளனர்.   
இதுதவிர, செயலாளர், பொருளாளர், துணைத் தலைவர், செயற்குழு உறுப்பினர்கள் உள்ளிட்ட பதவிகளுக்கும் மனு தாக்கல் 
செய்யப்பட்டுள்ளன.
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

அவிநாசியில் விநியோகிக்கப்படாமல் தெருவில் வீசி எறியப்பட்ட தபால்கள்
இன்று காவலர் எழுத்துத் தேர்வு: தமிழகம் முழுவதும் 3.22 லட்சம் பேர் எழுதுகின்றனர்
சென்னையில் நாளை முதல் மின்கலப் பேருந்து முதல்வர் பழனிசாமி தொடங்கி வைக்கிறார்
நீர்பிடிப்புப் பகுதிகளில் தொடர்மழை: வைகை அணை நீர்மட்டம் 50.30 அடியாக உயர்வு
புதுவை பேரவைத் தலைவருக்கு எதிராக நம்பிக்கையில்லாத் தீர்மானம்: நியமன எம்எல்ஏக்கள் ஆதரவு