மேட்டூர் அணைக்கு வரும் நீரின் அளவு விநாடிக்கு 12 ஆயிரம் கன அடியாகச் சரிந்தது.
கர்நாடக மாநிலத்தில் காவிரியின் நீர்பிடிப்புப் பகுதியில் மழை இல்லாத காரணத்தாலும், கேரள மாநிலம் வயநாடு பகுதியில் மழை குறைந்ததாலும், கபினி, கிருஷ்ணராஜ சாகர் அணைகளுக்கு நீர்வரத்து சரிந்தது.
கர்நாடக அணைகளிலிருந்து வெளியேற்றப்பட்ட உபரி நீரின் அளவு படிப்படியாகக் குறைக்கப்பட்டது.
உபரிநீர் குறைக்கப்பட்டதால், மேட்டூர் அணைக்கு வரும் நீரின் அளவு புதன்கிழமை காலை விநாடிக்கு 12,000 கன அடியாகச் சரிந்தது.
அணையிலிருந்து காவிரி டெல்டா பாசனத்துக்கு விநாடிக்கு 10,000 கன அடி நீரும், கால்வாய் பாசனத்துக்கு விநாடிக்கு 500 கன அடி நீரும் திறக்கப்பட்டு வருகிறது.
அணையின் நீர்மட்டம் 116.43 அடியாகவும், நீர் இருப்பு 87.89 டி.எம்.சி. யாகவும் இருந்தது.