ஆசிய தடகள ஓட்டப் பந்தயப் போட்டியில் வெற்றி பெற்ற தமிழக வீரர் ஆரோக்கிய ராஜீவுக்கு திமுக சார்பில் ரூ.5 லட்சத்துக்கான காசோலையை மு.க.ஸ்டாலின் திங்கள்கிழமை வழங்கினார்.
தோஹா ஆசிய தடகளப் போட்டியில் 4 ல 400 தொடர் ஓட்டப் பந்தயத்தில் திருச்சி மாவட்டம், லால்குடி வட்டம், வழுதியூரைச் சேர்ந்த ஆரோக்கிய ராஜீவ் வெள்ளிப் பதக்கம் வென்றிருந்தார். அவருக்கு திமுக சார்பில் ரூ.5 லட்சம் நிதி வழங்கப்படும் என ஏற்கெனவே அறிவிக்கப்பட்டிருந்தது.
அதன்படி, அண்ணா அறிவாலயத்தில் திங்கள்கிழமை வீரர் ஆரோக்கிய ராஜீவுக்கு ரூ.5 லட்சத்துக்கான காசோலையை மு.க.ஸ்டாலின் வழங்கினார். தமிழகத்துக்கும், இந்தியாவுக்கும் பெருமை தேடிக் கொடுத்ததற்காக அவருக்கு ஸ்டாலின் பாராட்டு தெரிவித்தார். அப்போது திமுக பொருளாளர் துரைமுருகன், அமைப்புச் செயலாளர் ஆர்.எஸ்.பாரதி ஆகியோர் உடனிருந்தனர்.