செவ்வாய்க்கிழமை 16 ஜூலை 2019

சொந்த கிராமத்தை தத்தெடுப்பேன்: தங்கம் வென்ற தடகள வீராங்கனை கோமதி

DIN | Published: 29th April 2019 03:47 AM

தனது சொந்த கிராமத்தை தத்தெடுத்து அதன் வளர்ச்சிக்கு உறுதுணையாக இருப்பேன் என்றார்  ஆசிய தடகளப் போட்டியில் தங்கம் வென்ற திருச்சி வீராங்கனை கோமதி மாரிமுத்து.

திருச்சி மாவட்டம், முடிகண்டம் கிராமத்தைச் சேர்ந்தவர் எம்.கோமதி மாரிமுத்து(30).  இவர் தோஹாவில் நடைபெற்ற ஆசிய தடகளப் போட்டியில் தங்கம் வென்றார். இதையடுத்து,  விமானம் மூலம் ஞாயிற்றுக்கிழமை திருச்சிக்கு வந்த கோமதிமாரிமுத்துவை மாவட்ட ஆட்சியர் சு.சிவராசு பூங்கொத்து கொடுத்து வரவேற்று  வாழ்த்தினார்.

இதைத்தொடர்ந்து,  விமான நிலையத்துக்கு வெளியே காத்திருந்த  கல்லூரி மாணவிகள்,  பொதுமக்கள், அரசியல் கட்சிப் பிரமுகர்கள், தன்னார்வலர்கள் உற்சாக வரவேற்பு  அளித்தனர்.

இதையடுத்து கோமதி மாரிமுத்து செய்தியாளர்களிடம் கூறுகையில், போட்டியில் பங்கேற்கும் போது கிழிந்த ஷூ அணிந்திருந்தது உண்மை தான். எனக்கு அது ராசியானது என்பதால் தான் அதனை அணிந்திருந்தேன். எனக்கு பயிற்சி அளித்த காவல்துறையில் பணியாற்றும் ராஜாமணிக்கு நன்றி. 
இதுவரை என்னை யாரென்று தெரியாமல் இருந்தது. தற்போது அனைவருக்கும் தெரிந்துவிட்டதால் பலரும் உதவி செய்ய முன்வந்துள்ளனர். அவர்கள் உதவி செய்தால் ஒலிம்பிக் போட்டியிலும் வென்று இந்தியாவுக்கு பெருமை சேர்ப்பேன். எனது கிராமத்துக்குத் தேவையான அடிப்படை வசதிகளை அதிகாரிகளிடம் பேசி நிறைவேற்றுவேன். 

மேலும், எனது கிராமத்தை தத்தெடுத்து அதன் வளர்ச்சிக்காக பாடுபடுவேன். பரிசு கிடைத்தது மகிழ்ச்சியை தந்தாலும் சிறுவயதிலிருந்தே  எனக்கு ஊக்கமளித்த என் தந்தை இல்லாதது மிகுந்த கவலையளிக்கிறது. 
கிராமப்புற இளைஞர்கள் அரசு தரும் நலத்திட்டங்களை பயன்படுத்தி கடினமாக உழைத்தால் வெற்றி உறுதி என்றார். இதையடுத்து, முடிகண்டம் கிராமத்துக்குச்சென்ற  கோமதிக்கு  கிராம மக்கள் பட்டாசு வெடித்துஉற்சாக வரவேற்பு அளித்தனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

அத்திவரதரை தரிசித்தார் ராஜாத்தி அம்மாள்
தமிழகத்தில் எப்போதும் ‘மம்மி’ ஆட்சிதான்! அமைச்சர் ஜெயக்குமார்
தமிழகத்தின் 8 மாவட்டங்களில் கன மழைக்கு வாய்ப்பு: பாலச்சந்திரன் தகவல்
மாநில அரசின் அனுமதியின்றி ஹைட்ரோ கார்பன் திட்டம்:  கிரிமினல் நடவடிக்கை எடுக்க சட்டத்தில் இடம் உள்ளது-  அமைச்சர் சி.வி. சண்முகம்
தரமற்ற மதிய உணவால் மூன்று ஆண்டுகளில் 900 குழந்தைகள் நோய்வாய்ப்பட்டார்கள், இறப்பு எண்ணிக்கை ‘0’: மனித வள மேம்பாட்டுத்துறை!