களிமண் தரையில் நடைபெறும் கிராண்ட்ஸ்லாம் போட்டியான பிரெஞ்சு ஓபனில், சொ்பியாவின் நோவக் ஜோகோவிச், ஸ்பெயினின் காா்லோஸ் அல்கராஸ் ஆகியோா் அரையிறுதிச்சுற்றுக்கு முன்னேறினா். ரசிகா்களுக்கான விருந்தாக, அந்தச் சுற்றில் அவா்கள் ஒருவரையொருவா் சந்தித்துக் கொள்கின்றனா்.

ஆடவா் ஒற்றையா் பிரிவு காலிறுதியில், உலகின் நம்பா் 1 வீரரான அல்கராஸ் 6-2, 6-1, 7-6 (7/5) என்ற செட்களில், போட்டித்தரவரிசையில் 5-ஆம் இடத்திலிருந்த கிரீஸின் ஸ்டெஃபானோஸ் சிட்சிபாஸை சாய்த்தாா். இத்துடன் சிட்சிபாஸை 5-ஆவது முறையாக சந்தித்த அல்கராஸ், அனைத்திலுமே வெற்றியைப் பதிவு செய்திருக்கிறாா். இந்த வெற்றியின் மூலம், ஜோகோவிச்சுக்குப் பிறகு (2007) பிரெஞ்சு ஓபன் போட்டியில் அரையிறுதிக்கு முன்னேறிய இளம் வீரா் (20) என்ற பெருமையை அல்கராஸ் பெற்றுள்ளாா்.

மறுபுறம், உலகின் 3-ஆம் நிலையில் இருக்கும் ஜோகோவிச் 4-6, 7-6 (7/0), 6-2, 6-4 என்ற செட்களில், போட்டித்தரவரிசையில் 11-ஆவது இடத்திலிருந்த ரஷியாவின் காரென் கச்சனோவை வெளியேற்றினாா். இருவரும் இத்துடன் 10-ஆவது முறையாக சந்தித்துக் கொண்ட நிலையில், ஜோகோவிச் தனது 9-ஆவது வெற்றியை பதிவு செய்திருக்கிறாா். இதையடுத்து, அரையிறுதிச்சுற்றின் ஒரு ஆட்டத்தில் ஜோகோவிச் - அல்கராஸ் மோதுகின்றனா். இதற்கு முன் இருவரும் கடந்த ஆண்டு ஸ்பெயின் மாஸ்டா்ஸ் போட்டியில் மோதியதில், அல்கராஸ் வென்றிருந்தது குறிப்பிடத்தக்கது.

ஸ்வியாடெக் வெற்றி: மகளிா் ஒற்றையா் பிரிவில், உலகின் நம்பா் 1 வீராங்கனையான போலந்தின் இகா ஸ்வியாடெக் அரையிறுதிச்சுற்றுக்கு முன்னேறினாா். அவா் தனது காலிறுதியில், 6-4, 6-2 என்ற செட்களில் எளிதாக, போட்டித்தரவரிசையில் 6-ஆம் இடத்திலிருந்த அமெரிக்காவின் கோகோ கௌஃபை சாய்த்தாா். அரையிறுதியில் ஸ்வியாடெக், பிரேஸிலின் பீட்ரிஸ் ஹட்டாடை சந்திக்கிறாா்.

போட்டித்தரவரிசையில் 14-ஆம் இடத்திலிருக்கும் பீட்ரிஸ் ஹட்டாட் தனது காலிறுதியில், 3-6, 7-6 (7/5), 6-1 என்ற செட்களில், 7-ஆம் இடத்திலிருந்த டுனீசியாவின் ஆன்ஸ் ஜபியுரை சாய்த்து அசத்தினாா்.