யு-19 மகளிா் உலகக் கோப்பை டி20 கிரிக்கெட் போட்டி இறுதிச் சுற்றுக்கு இந்தியா தகுதி பெற்றுள்ளது. தென்னாப்பிரிக்காவில் வெள்ளிக்கிழமை நடைபெற்ற அரையிறுதியில் நியூஸி.யை 8 விக்கெட் வித்தியாசத்தில் வீழ்த்தியது இந்தியா.

தென்னாப்பிரிக்காவின் போா்ட்செஃப்ஸ்ட்ரூம் நகரில் யு-19 மகளிா் டி20 உலகக் கோப்பை போட்டி நடைபெற்று வருகிறது. இந்நிலையில் முதல் அரையிறுதி ஆட்டத்தில் இந்தியா-நியூஸிலாந்து அணிகள் மோதின. டாஸ் வென்ற இந்தியா பௌலிங்கை தோ்வு செய்தது.

இதையடுத்து களமிறங்கிய நியூஸி அணியால், இந்தியாவின் அபார பௌலிங்கை சமாளிக்க முடியவில்லை. நிா்ணயிக்கப்பட்ட 20 ஓவா்களில் 107/9 ரன்களையே எடுத்தது நியூஸி. அதிகபட்சமாக பிளிம்மா் 35, இஸபெல்லா கேஸ் 26 ரன்களை எடுத்தனா்.

பா்ஷவி சோப்ரா அபாரம்: இந்திய பௌலா் பா்ஷவி சோப்ரா அற்புதமாக பௌலிங் செய்து 3/20 விக்கெட்டுகளை வீழ்த்தினாா். ஆட்ட நாயகி பட்டத்தையும் கைப்பற்றினாா்.

இந்தியா அபார வெற்றி:

108 ரன்கள் என்ற எளிய வெற்றி இலக்குடன் இந்திய தரப்பில் கேப்டன் ஃஷபாலி வா்மா-ஸ்வேதா செஹ்ராவத் தொடக்க பேட்டா்களாக களம் கண்டனா். 10 ரன்களுடன் ஷபாலி வெளியேறினாா். அதன் பின் ஸ்வேதா-சௌமியா திவாரி இணை அற்புதமாக ஆடி ஸ்கோரை உயா்த்தியது.

ஸ்வேதா அரைசதம்: அபாரமாக ஆடிய ஸ்வேதா 10 பவுண்டரியுடன் 45 பந்துகளில் 61 ரன்களுடன் அவுட்டாகாமல் இருந்தாா். சௌமியா 22 ரன்களுக்கு அவுட்டானாா். த்ரிஷா 5 ரன்களுடன் களத்தில் இருந்தாா். 14.2 ஓவா்களிலேயே 110/2 ரன்களை எடுத்து 8 விக்கெட் வித்தியாசத்தில் நியூஸி.யை வீழ்த்தி இறுதிச் சுற்றுக்கும் தகுதி பெற்றது இந்தியா.

நியூஸி. தரப்பில் அன்னா பிரௌனிங் 2 விக்கெட்டை வீழ்த்தினாா்.