செய்திகள்

மகளிர் ஆசியக் கோப்பை: இலங்கையை எளிதாக வீழ்த்திய இந்திய அணி!

1st Oct 2022 04:32 PM

ADVERTISEMENT

 

வங்கதேசத்தில் நடைபெற்று வரும் மகளிர் ஆசியக் கோப்பை டி20 போட்டியில் இலங்கையை 41 ரன்கள் வித்தியாசத்தில் வீழ்த்தியது இந்திய அணி. 

டாஸ் வென்ற இலங்கை அணி ஃபீல்டிங்கைத் தேர்வு செய்தது. ஷெஃபாலி வர்மா வர்மா 10 ரன்களிலும் மந்தனா 6 ரன்களிலும் ஆட்டமிழந்தார்கள். இதன்பிறகு கேப்டன் ஹர்மன்ப்ரீத் கெளர் - ஜெமிமா ரோட்ரிகஸ் அபாரமான கூட்டணியை அமைத்தார்கள். இருவரும் 71 பந்துகளில் 92 ரன்கள் எடுத்தார்கள். ஜெமிமா 38 பந்துகளில் 50 ரன்கள் எடுத்தார். ஹர்மன்ப்ரீத் 33 ரன்களிலும் ஜெமிமா 76 ரன்களிலும் ஆட்டமிழந்தார்கள். இந்திய அணி 20 ஓவர்களில் 6 விக்கெட் இழப்புக்கு 150 ரன்கள் எடுத்தது. இலங்கையின் ஒஷாதி உதேசிகா 3 விக்கெட்டுகளை வீழ்த்தினார். 

இதன்பிறகு பேட்டிங் செய்த இலங்கை அணி, இந்திய அணியின் பந்துவீச்சைச் சமாளிக்க முடியாமல் தடுமாறியது. சீரான இடைவெளியில் விக்கெட்டுகள் விழுந்தன. இதனால் 18.2 ஓவர்களில் 109 ரன்களுக்கு ஆட்டமிழந்த இலங்கை அணி, 41 ரன்கள் வித்தியாசத்தில் தோல்வியடைந்தது. ஹேமலதா 3 விக்கெட்டுகளை வீழ்த்தினார். ஆட்டத்தின் சிறந்த வீராங்கனையாக ஜெமிமா தேர்வானார். 

ADVERTISEMENT

ஆசியக் கோப்பை டி20 போட்டியில் 7 நாடுகள் போட்டியிடுகின்றன. இந்திய அணி அக்டோபர் 3 அன்று மலேசியாவையும் அக்டோபர் 4 அன்று ஐக்கிய அரபு அமீரகத்தையும் அக்டோபர் 7 அன்று பாகிஸ்தானையும் அக்டோபர் 8 அன்று வங்கதேசத்தையும் அக்டோபர் 10 அன்று தாய்லாந்தையும் எதிர்கொள்கிறது. அக்டோபர் 13 அன்று அரையிதிச் சுற்றும் அக்டோபர் 15 அன்று இறுதிச்சுற்றும் நடைபெறவுள்ளன. 

ADVERTISEMENT
ADVERTISEMENT