பாகிஸ்தானுக்கு எதிரான 6-ஆவது டி20 ஆட்டத்தில் இங்கிலாந்து 8 விக்கெட்டுகள் வித்தியாசத்தில் வெற்றி பெற்றது.
மொத்தம் 7 ஆட்டங்கள் கொண்ட தொடரில் தற்போது இரு அணிகளும் தலா 3 வெற்றிகளை பதிவு செய்ததால் தொடா் சமநிலையில் இருக்கிறது. சாம்பியனை தீா்மானிக்கும் கடைசி ஆட்டம் ஞாயிற்றுக்கிழமை நடைபெறுகிறது.
முன்னதாக, இந்திய நேரப்படி வெள்ளிக்கிழமை நள்ளிரவு நிறைவடைந்த 6-ஆவது ஆட்டத்தில் முதலில் பாகிஸ்தான் 20 ஓவா்களில் 6 விக்கெட் இழப்புக்கு 169 ரன்கள் சோ்க்க, அடுத்து இங்கிலாந்து 14.3 ஓவா்களில் 2 விக்கெட் இழப்புக்கு 170 ரன்கள் எடுத்து வென்றது.
டாஸ் வென்ற இங்கிலாந்து ஃபீல்டிங் செய்ய, பாகிஸ்தான் பேட்டிங்கில் அதிகபட்சமாக கேப்டன் பாபா் ஆஸம் 7 பவுண்டரிகள், 3 சிக்ஸா்கள் உள்பட 87 ரன்கள் விளாசி இறுதிவரை ஆட்டமிழக்காமல் இருந்தாா். இங்கிலாந்து பௌலிங்கில் சாம் கரன், டேவிட் வில்லி ஆகியோா் தலா 2 விக்கெட்டுகள் சாய்த்தனா்.
பின்னா் இங்கிலாந்து இன்னிங்ஸில் 13 பவுண்டரிகள், 3 சிக்ஸா்களுடன் 88 ரன்கள் சோ்த்த தொடக்க வீரா் ஃபில் சால்ட், பென் டக்கெட் (26 ரன்கள்) துணை நிற்க அணியை வெற்றிக்கு வழி நடத்தினாா். பாகிஸ்தான் பௌலா்களில் ஷாதாப் கான் 2 விக்கெட்டுகள் வீழ்த்தினாா்.