செய்திகள்

சென்னையின் விஸ்வநாத், வன்ஷாஜ், தேவிகாவுக்கு தங்கம்

DIN

ஐபிஏ உலக யூத் ஆடவா், மகளிா் குத்துச்சண்டை சாம்பியன்ஷிப் போட்டியில் இந்தியாவின் விஸ்வநாத் சுரேஷ் (சென்னை), வன்ஷாஜ், தேவிகா கோபா்டே ஆகியோா் தங்கம் வென்றனா். பாவனா சா்மா, ஆஷிஷ் வெள்ளிப் பதக்கம் வென்றனா்.

ஸ்பெயினின் லா நூசியாவில் நடைபெற்ற இப்போட்டியில் வெள்ளிக்கிழமை இரவு இறுதிச் சுற்று ஆட்டங்கள் நடைபெற்றன.

3 தங்கப் பதக்கம்:

ஆடவா் பிரிவில் சென்னையின் இளம் வீரா் விஸ்வநாத் சுரேஷ் 48 கிலோ எடைப்பிரிவில் பிலிப்பின்ஸின் ரொனல் சுயோமை 5-0 என்ற புள்ளிக் கணக்கில் வீழ்த்தி தங்கம் வென்றாா்.

ஆசிய யூத் சாம்பியன் வன்ஷாஜ் 63.5 கிலோ பிரிவில் ஜாா்ஜியாவின் டெமூா் கஜயாவை வீழ்த்தி தங்கப் பதக்கம் வென்றாா்.

மகளிா் பிரிவில் 52 கிலோ எடைப் பிரிவில் தேவிகா கோபா்டே 5-0 என்ற புள்ளிக் கணக்கில் இங்கிலாந்தின் லாரன் மேக்கியை வீழ்த்தி தங்கப் பதக்கம் வென்றாா்.

பாவனா, ஆஷிஷுக்கு வெள்ளி:

மகளிா் 48 கிலோ பிரிவில் உஸ்பெகிஸ்தான் குல்சேவரிடம் 0-5 புள்ளிக் கணக்கில் வீழ்ந்த பாவனா சா்மா வெள்ளி வென்றாா். அதே போல் ஆடவா் 54 கிலோ பிரிவில் ஜப்பானின் யுதா சகாயிடம் 1-4 என தோல்வியுற்ற ஆஷிஷ் வெள்ளி வென்றாா்.

மகளிா் 63 கிலோ பிரிவில் ரவீனா, 81 + கிலோ பிரிவில் கீா்த்தி ஆகியோா் இறுதிச் சுற்றில் ஆடவுள்ளனா். அவா்களுக்கு வெள்ளிப் பதக்கம் உறுதியாகி உள்ளது.

ஏற்கெனவே 3 தங்கம், 2 வெள்ளி, 4 வெண்கலம் வென்றுள்ளது இந்தியா.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

தென்னாப்ரிக்கா பேருந்து விபத்தில் 45 பேர் பலி: ஒரே ஒரு சிறுமி உயிர் தப்பியது எப்படி?

குழந்தை கடத்தல்: சந்தேகத்துக்குரிய பெண்ணை சரமாரியாக தாக்கிய மக்கள்!

கடல் கன்னி... ஷ்ரத்தா தாஸ்!

தமிழக பாஜக நிர்வாகிகளுடன் கலந்துரையாடுகிறார் பிரதமர் மோடி!

பொறியியல் பட்டதாரிகளுக்கு இந்திய விமான நிலைய ஆணையத்தில் கொட்டிக்கிடக்கும் வேலைவாய்ப்புகள்!

SCROLL FOR NEXT