கோவில்பட்டி: தேசிய ஜூனியர் ஆடவர் ஹாக்கி போட்டியில் உத்தர பிரதேசம், சண்டீகர், ஹரியாணா, ஒடிஸா அணிகள் அரையிறுதிக்கு முன்னேறின. 
கோவில்பட்டியில் நடைபெறும் இப்போட்டியில் 9-ஆவது நாளான புதன்கிழமை காலை நடைபெற்ற முதல் காலிறுதி ஆட்டத்தில் உத்தர பிரதேசம் - கர்நாடகம் அணிகள் மோதியதில் 6 - 1 என்ற கோல் கணக்கில் உத்தர பிரதேசம் வெற்றி பெற்று, அரையிறுதிக்கு தகுதிபெற்றது. 2-ஆவது ஆட்டத்தில் சண்டீகர் 4-2 என்ற கோல் கணக்கில் ஜார்கண்ட் அணியை வென்று அரையிறுதிக்கு முன்னேறியது. 
பின்னர் மாலையில்  நடைபெற்ற 3-ஆவது காலிறுதி ஆட்டத்தில் ஹரியாணா 13-1 என்ற கோல் கணக்கில் அருணாசல பிரதேச அணியை வென்று அரையிறுதிக்கு தகுதிபெற்றது. 4-ஆவது ஆட்டத்தில் ஒடிஸா 3-1 என்ற கோல் கணக்கில் பஞ்சாப் அணியை வென்று அரையிறுதிக்கு முன்னேறியுள்ளது.