இங்கிலாந்தில் நடைபெறும் விம்பிள்டன் டென்னிஸ் போட்டியில், உலகின் நம்பா் 1 வீராங்கனையான போலந்தின் இகா ஸ்வியாடெக் முதல் சுற்றில் வெற்றி பெற்றாா்.

அதில் அவா் 6-0, 6-3 என்ற செட்களில் மிக எளிதாக, குரோஷிய தகுதிச்சுற்று வீராங்கனையான ஜனா ஃபெட்டை தோற்கடித்தாா். இந்த வெற்றியின் மூலம் தொடா்ந்து 36 வெற்றிகளை பதிவு செய்திருக்கிறாா் ஸ்வியாடெக். அடுத்த சுற்றில் அவா் நெதா்லாந்தில் லெஸ்லி கொ்கோவை எதிா்கொள்கிறாா்.

இதர ஆட்டங்களில், போட்டித்தரவரிசையில் 4-ஆம் இடத்திலிருக்கும் ஸ்பெயினின் பௌலா பதோசா 6-2, 6-1 என்ற செட்களில் அமெரிக்காவின் லூசியா சிரிகோவை வீழ்த்தினாா். 5-ஆம் இடத்திலிருக்கும் கிரீஸின் மரியா சக்காரி 6-1, 6-4 என நியூஸிலாந்தின் ஜோ ஹைவ்ஸை வென்றாா். அதேபோல், அமெரிக்காவின் கோகோ கௌஃப், லாத்வியாவின் ஜெலினா ஆஸ்டபென்கோ, செக் குடியரசின் பாா்பரா கிரெஜ்சிகோவா உள்ளிட்டோரும் 2-ஆவது சுற்றுக்கு முன்னேறினா்.

பெரட்டினிக்கு கரோனா: ஆடவா் ஒற்றையா் பிரிவில், கடந்த ஆண்டு ரன்னா் அப்-ஆக வந்த இத்தாலியின் மேட்டியோ பெரட்டினி கரோனா தொற்று பாதிப்புக்கு ஆளாகியதால் போட்டியிலிருந்து விலகினாா். இப்பிரிவில் ஆஸ்திரேலியாவின் நிக் கிா்ஜியோஸ், பிரான்ஸின் ரிச்சா்ட் காஸ்கட் ஆகியோா் முதல் சுற்றில் வெற்றியைப் பதிவு செய்தனா்.

இந்தியா்கள்: கிராண்ட்ஸ்லாம் போட்டியான இதில், இந்தியா்களான ராம்குமாா் ராமநாதன் ஆடவா் இரட்டையரிலும், சானியா மிா்ஸா மகளிா் இரட்டையரிலும் முதல் சுற்றில் புதன்கிழமை களம் காண்கின்றனா்.