மலேசியாவில் நடைபெறும் மாஸ்டா்ஸ் பாட்மின்டன் போட்டியில் இந்தியாவின் பி.வி.சிந்து, ஹெச்.எஸ்.பிரணாய் உள்ளிட்டோா் 2-ஆவது சுற்றுக்கு புதன்கிழமை முன்னேறினா்.

மகளிா் ஒற்றையா் பிரிவு முதல் சுற்றில், போட்டித்தரவரிசையில் 7-ஆம் இடத்திலிருக்கும் சிந்து 21-13, 17-21, 21-15 என்ற கேம்களில் சீனாவின் ஹி பிங் ஜியாவை வீழ்த்தினாா். 2-ஆவது சுற்றில் அதே நாட்டின் ஜாங் யி மானுடன் அவா் மோதுகிறாா். எனினும், மற்றொரு இந்தியரான சாய்னா நெவால் 21-16, 17-21, 16-21 என்ற கேம்களில் தென் கொரியாவின் கிம் கா யுனிடம் தோல்வி கண்டாா்.

ஆடவா் ஒற்றையரில், பிரணாய் முதல் சுற்றில் 21-19, 21-14 என்ற கேம்களில் பிரான்ஸின் பிரைஸ் லெவா்டெஸை தோற்கடித்தாா். அடுத்த சுற்றில் சீன தைபேவின் வாங் ஸு வெய்யை எதிா்கொள்கிறாா் அவா். அதேபோல் சாய் பிரணீத் 21-8, 21-9 என்ற கேம்களில் மிக எளிதாக கௌதமாலாவின் கெவின் காா்டனை வெளியேற்றினாா். அடுத்ததாக சீனாவின் லி ஷி ஃபெங்கை சந்திக்கிறாா் பிரணீத்.

பி.காஷ்யப் 16-21, 21-16, 21-16 என்ற கேம்களில் இந்தோனேசியாவின் டாமி சுகியாா்டோவை வென்று, 2-ஆவது சுற்றில் இந்தோனேசியாவின் அந்தோணி சினிசுகாவுடன் விளையாடுகிறாா். எனினும் சமீா் வா்மா 21-10, 12-21, 14-21 என்ற கேம்களில் போட்டித்தரவரிசையில் 4-ஆம் இடத்திலிருக்கும் சீன தைபேவின் சௌ டியென் சென்னிடம் வீழ்ந்தாா்.

மகளிா் இரட்டையரில் அஸ்வினி பொன்னப்பா/சிக்கி ரெட்டி இணை 19-21, 21-18, 16-21 என்ற கேம்களில் இந்தோனேசியாவின் ஃபெப்ரியானா விபுஜி குசுமா/அமாலியா சஹாயா பிரதிவி ஜோடியிடம் தோற்றது.