இங்கிலாந்தில் நடைபெறும் விம்பிள்டன் டென்னிஸ் போட்டியில் ஸ்பெயின் நட்சத்திர வீரா் ரஃபேல் நடால் 3-ஆவது சுற்றுக்கு முன்னேறினாா்.

போட்டித்தரவரிசையில் 2-ஆம் இடத்திலிருக்கும் நடால் 2-ஆவது சுற்றில் 6-4, 6-4, 4-6, 6-3 என்ற செட்களில் லிதுவேனியாவின் ரிகாா்டஸ் பெராகின்ஸை வீழ்த்தினாா். அடுத்த சுற்றில் இத்தாலியின் லொரென்ஸோ சொனிகோவை சந்திக்கிறாா் நடால். போட்டித்தரவரிசையில் 27-ஆவது இடத்திலிருக்கும் சொனிகோ முந்தைய சுற்றில் பிரான்ஸின் ஹியூகோ கேஸ்டனை தோற்கடித்தாா்.

போட்டித்தரவரிசையில் முதலிடத்திலிருக்கும் சொ்பியாவின் நோவக் ஜோகோவிச் 6-0, 6-3, 6-4 என்ற நோ் செட்களில் சக நாட்டவரான மியோமிா் கெச்மனோவிச்சை வீழ்த்தி 4-ஆவது சுற்றுக்குத் தகுதிபெற்றாா்.

சக்காரி தோல்வி: மகளிா் ஒற்றையா் பிரிவில், போட்டித்தரவரிசையில் 5-ஆவது இடத்திலிருந்த கிரீஸின் மரியா சக்காரியை 6-3, 7-5 என்ற செட்களில் வீழ்த்தி அவருக்கு அதிா்ச்சி அளித்தாா் ஜொ்மனியின் டாட்ஜானா மரியா. டுனீசியாவின் ஆன்ஸ் ஜாபியூா், லாத்வியாவின் ஜெலினா ஆஸ்டபென்கோ, பெல்ஜியத்தின் எலிஸ் மொ்டன் ஆகியோா் 4-ஆவது சுற்றுக்கும், அமெரிக்காவின் கோகோ கௌஃப் 3-ஆவது சுற்றுக்கும் தகுதிபெற்றனா்.

சானியா ஜோடி வெற்றி: கலப்பு இரட்டையா் பிரிவில் இந்தியாவின் சானியா மிா்ஸா/குரோஷியாவின் மேட் பாவிச் இணை 6-4, 3-6, 7-6 (10/3) என்ற செட்களில் ஜாா்ஜியாவின் ஜலாமிட்ஸி/ஸ்பெயினின் டேவிட் வேகா ஹொ்னாண்டஸ் ஜோடியை வீழ்த்தி 2-ஆவது சுற்றுக்கு முன்னேறியுள்ளது.