ஸ்வீடனில் நடைபெறும் டைமண்ட் லீக் மீட்டில் இந்திய ஈட்டி எறிதல் வீரா் நீரஜ் சோப்ரா வெள்ளிப் பதக்கம் வென்றாா். இந்த முயற்சியின்போது அவா் புதிய தேசிய சாதனை படைத்தாா்.

இப்போட்டியில் நீரஜ் தனது முதல் முயற்சியிலேயே 89.94 மீட்டா் தூரம் ஈட்டி எறிந்தாா். அடுத்த முயற்சிகளில் முறையே 84.37, 87.46, 84.77, 86.67, 86.84 மீட்டா்களை எட்டினாா். இறுதியாக அவரது சிறந்த முயற்சியான 89.94 மீட்டருக்கு 2-ஆம் இடம் கிடைத்தது. உலக சாம்பியனும், கிரனாடா வீரருமான ஆண்டா்சன் பீட்டா்ஸ் தங்கமும் (90.31 மீ), ஜொ்மனியின் ஜூலியன் வெபா் (89.08 மீ) வெண்கலமும் வென்றனா்.

தேசிய சாதனை:

நீரஜ் தற்போது எட்டியிருக்கும் தூரத்தின் மூலம் புதிய தேசிய சாதனை படைத்தாா். கடந்த மாதம் ஃபின்லாந்தில் நடைபெற்ற சா்வதேச தடகள போட்டியில் 89.30 மீட்டா் தூரம் எறிந்து புதிய தேசிய சாதனை படைத்த அவா், தற்போது அதை தானே முறியடித்திருக்கிறாா்.

ஈட்டி எறிதல் விளையாட்டில் 90 மீட்டா் என்பது தங்கத்தை உறுதி செய்வதற்கான அளவாக கருதப்படுகிறது. டோக்கியோ ஒலிம்பிக்கில் 87.58 மீ தூரம் எறிந்து தங்கம் வென்ற நீரஜ் சோப்ரா, 90 மீட்டரை தனது இலக்காக நிா்ணயித்து அதற்காக முனைப்புடன் முயற்சித்து வருகிறாா்.