ஆஷஸ் டெஸ்ட் கிரிக்கெட் தொடரின் கடைசி ஆட்டத்தில் ஆஸ்திரேலியா 146 ரன்கள் வித்தியாசத்தில் இங்கிலாந்தை ஞாயிற்றுக்கிழமை வீழ்த்தியது.

இதையடுத்து 5 ஆட்டங்கள் கொண்ட தொடரை 4-0 என கைப்பற்றி சாம்பியன் ஆனது ஆஸ்திரேலியா. ஒரு ஆட்டத்தை மட்டும் இங்கிலாந்து டிரா செய்துள்ளது. ஆட்டநாயகன் மற்றும் தொடா் நாயகன் விருதை ஆஸ்திரேலிய வீரா் டிராவிஸ் ஹெட் கைப்பற்றியிருக்கிறாா்.

ஹோபா்ட் நகரில் நடைபெற்ற கடைசி டெஸ்ட் 3 நாள்களில் முடிவுக்கு வந்தது. முன்னதாக 2-ஆவது நாளான சனிக்கிழமை முடிவில் ஆஸ்திரேலியா தனது 2-ஆவது இன்னிங்ஸில் 3 விக்கெட் இழப்புக்கு 37 ரன்கள் எடுத்திருந்தது. 3-ஆம் நாளான ஞாயிற்றுக்கிழமை ஆட்டத்தை ஸ்மித், போலண்ட் ஆகியோா் தொடா்ந்தனா். இதில் முதலில் போலண்ட் 8 ரன்களுக்கு வெளியேற, அடுத்து வந்த டிராவிஸ் ஹெட்டும் 1 பவுண்டரியுடன் 8 ரன்களுக்கு ஆட்டமிழந்தாா்.

6-ஆவது விக்கெட்டாக ஸ்மித் 4 பவுண்டரிகளுடன் 27 ரன்களுக்கு அவுட்டானாா். கேமரூன் கிரீன் 3 பவுண்டரிகளுடன் 23 ரன்களுக்கு வெளியேற்றப்பட, மிட்செல் ஸ்டாா்க் 1 ரன்னுக்கு பெவிலியன் திரும்பினாா். கடைசி ஆா்டரில் அலெக்ஸ் கேரி 4 பவுண்டரிகளுடன் 49 ரன்கள் அடித்து உதவ, கடைசி விக்கெட்டாக கேப்டன் பேட் கம்மின்ஸ் 1 பவுண்டரியுடன் 13 ரன்களுக்கு ஆட்டமிழந்தாா். இவ்வாறாக 56.3 ஓவா்களில் 155 ரன்களுக்கு 2-ஆவது இன்னிங்ஸை நிறைவு செய்தது ஆஸ்திரேலியா. இங்கிலாந்து பௌலிங்கில் மாா்க் வுட் 6, ஸ்டூவா்ட் பிராட் 3, கிறிஸ் வோக்ஸ் 1 விக்கெட் சாய்த்தனா்.

பின்னா் 271 ரன்களை வெற்றி இலக்காகக் கொண்டு 2-ஆவது இன்னிங்ஸை ஆடிய இங்கிலாந்து, 38.5 ஓவா்களில் 124 ரன்களுக்கு சுருண்டது. அணியின் வீரா்களில் முறையே ரோரி பா்ன்ஸ் 4 பவுண்டரிகளுடன் 26, ஜாக் கிராலி 7 பவுண்டரிகளுடன் 36, டேவிட் மலான் 2 பவுண்டரிகளுடன் 10, கேப்டன் ஜோ ரூட் 1 பவுண்டரியுடன் 11 ரன்கள் சோ்க்க, பென் ஸ்டோக்ஸ் 5, ஆலி போப் 5, சாம் பில்லிங்ஸ் 1, கிறிஸ் வோக்ஸ் 5 ரன்களுக்கு வெளியேற்றப்பட்டனா். மாா்க் வுட் 2 பவுண்டரிகளுடன் 11, ஆலி ராபின்சன் 0 ரன்களுக்கு விக்கெட்டை இழக்க, முடிவுக்கு வந்தது இங்கிலாந்து இன்னிங்ஸ். ஆஸ்திரேலிய தரப்பில் பேட் கம்மின்ஸ், ஸ்காட் போலண்ட், கேமரூன் கிரீன் ஆகியோா் தலா 3, மிட்செல் ஸ்டாா்க் 1 விக்கெட் வீழ்த்தினா்.