இந்தியாவுக்கு எதிரான டெஸ்ட் தொடரின் கடைசி ஆட்டத்தில் தென் ஆப்பிரிக்கா 7 விக்கெட்டுகள் வித்தியாசத்தில் வெற்றி பெற்றது.

இதையடுத்து 3 ஆட்டங்கள் கொண்ட தொடரை 2-1 என்ற கணக்கில் கைப்பற்றியது தென் ஆப்பிரிக்கா. மறுபுறம், தென் ஆப்பிரிக்க மண்ணில் இதுவரை டெஸ்ட் தொடரை வென்றதில்லை என்ற வரலாறுடனே இந்த முறையும் நாடு திரும்பவுள்ளது இந்திய அணி.

கேப் டவுனில் நடைபெற்ற கடைசி ஆட்டத்தில் 212 ரன்களை இலக்காகக் கொண்டு விளையாடிய தென் ஆப்பிரிக்கா, 3 விக்கெட் இழப்புக்கு 212 ரன்கள் அடித்து வெள்ளிக்கிழமை வென்றது. அந்த அணியின் கீகன் பீட்டா்சன் ஆட்டநாயகன், தொடா் நாயகன் விருது வென்றாா்.

கடந்த 11-ஆம் தேதி தொடங்கிய ஆட்டத்தில் டாஸ் வென்று முதலில் பேட் செய்த இந்தியா, 77.3 ஓவா்களில் 223 ரன்களுக்கு ஆட்டமிழந்தது. அணி வீரா்களில் சற்று சிறப்பாக பேட் செய்து கோலி மட்டும் 12 பவுண்டரிகள், 1 சிக்ஸருடன் 79 ரன்கள் அடித்தாா். தென் ஆப்பிரிக்க பௌலிங்கில் ககிசோ ரபாடா 4 விக்கெட்டுகள் வீழ்த்தினாா்.

பின்னத் தென் ஆப்பிரிக்க அணி தனது முதல் இன்னிங்ஸை 76.3 ஓவா்களில் 210 ரன்களுக்கு நிறைவு செய்தது. அணியில் அதிகபட்சமாக கீகன் பீட்டா்சன் 9 பவுண்டரிகளுடன் 72 ரன்கள் அடித்தாா். இந்திய தரப்பில் ஜஸ்பிரீத் பும்ரா 5 விக்கெட்டுகள் சாய்த்து அசத்தினாா்.

அடுத்து, முதல் இன்னிங்ஸில் 13 ரன்களே முன்னிலை பெற்று 2-ஆவது இன்னிங்ஸை தொடங்கிய இந்தியா, 67.3 ஓவா்களில் 198 ரன்களுக்கு ஆட்டமிழந்தது. எஞ்சிய அனைத்து விக்கெட்டுகளும் சொற்ப ரன்களில் வெளியேற, ரிஷப் பந்த் தனியொரு வீரராகப் போராடி 6 பவுண்டரிகள், 4 சிக்ஸா்களுடன் சதமடித்து ஆட்டமிழக்காமல் இருந்தாா். தென் ஆப்பிரிக்காவின் மாா்கோ யான்சென் 4 விக்கெட்டுகளை கைப்பற்றினாா்.

இறுதியாக, 212 ரன்கள் என்ற எளிதான வெற்றி இலக்கை நோக்கி ஆடிய தென் ஆப்பிரிக்கா 63.3 ஓவா்களில் 3 விக்கெட்டுகளே இழந்து அந்த ரன்களை அடித்து வெற்றி பெற்றது. அதிகபட்சமாக கீகன் பீட்டா்சன் 10 பவுண்டரிகளுடன் 82 ரன்கள் சோ்த்து உதவினாா். பும்ரா, ஷமி, தாக்குா் தலா 1 விக்கெட் சாய்த்தனா்.

சுருக்கமான ஸ்கோா்

முதல் இன்னிங்ஸ்

இந்தியா - 223/10

விராட் கோலி 79

சேதேஷ்வா் புஜாரா 43

ரிஷப் பந்த் 27

பந்துவீச்சு

ககிசோ ராபாடா 4/73

மாா்கோ யான்சென் 3/55

கேசவ் மஹராஜ் 1/14

தென் ஆப்பிரிக்கா - 210/10

கீகன் பீட்டா்சன் 72

டெம்பா பவுமா 28

கேசவ் மஹராஜ் 25

பந்துவீச்சு

ஜஸ்பிரீத் பும்ரா 5/42

முகமது ஷமி 2/39

உமேஷ் யாதவ் 2/64

2-ஆவது இன்னிங்ஸ்

இந்தியா - 198/10

ரிஷப் பந்த் 100*

விராட் கோலி 29

கே.எல்.ராகுல் 10

பந்துவீச்சு

மாா்கோ யான்சென் 4/36

லுங்கி கிடி 3/21

ககிசோ ரபாடா 3/53

தென் ஆப்பிரிக்கா - 212/3 (இலக்கு-212)

கீகன் பீட்டா்சன் 82

ராஸி வான் டொ் டுசென் 41*

டெம்பா பவுமா 32*

பந்துவீச்சு

ஷா்துல் தாக்குா் 1/22

முகமது ஷமி 1/41

ஜஸ்பிரீத் பும்ரா 1/54

8

இத்துடன் தென் ஆப்பிரிக்க மண்ணில் இந்திய அணி 30 ஆண்டுகளாக 8 டெஸ்ட் தொடா்களை விளையாடியிருக்கும் நிலையில், அதில் ஒரு முறை மட்டும் (2010-11) தொடா் டிரா ஆகியுள்ளது. தோனி தலைமையிலான இந்திய அணி அப்போது டிரா செய்திருந்தது. இதர 7 தொடா்களிலும் தென் ஆப்பிரிக்கா வென்றுள்ளது.

டிஆா்எஸ் சா்ச்சையால் கவனம் சிதறிய இந்திய அணி?

தென் ஆப்பிரிக்க 2-ஆவது இன்னிங்ஸில் டீன் எல்கா் பேட் செய்தபோது, அஸ்வின் வீசிய 21-ஆவது ஓவரில் ஒரு பந்து லேக் பேடில் பட, எல்பிடபிள்யூ கோரினா் இந்திய அணியினா். பௌலா் சைடு நடுவராக இருந்த மராய்ஸ் எராஸ்மஸ் அதற்கு அவுட் கொடுத்தாா். எனினும், டீன் எல்கா் ‘டிஆா்எஸ்’ கோர, 3-ஆவது நடுவரிடம் சென்றது விவகாரம்.

‘ஹாக் ஐ’ தொழில்நுட்பத்தின் உதவியுடன் அவா் ஆய்வு செய்தபோது, பந்து பயணிப்பதாக கணிக்கப்பட்ட பாதை ஸ்டம்ப்புக்கு மேலாகச் செல்வது போன்று தெரிந்ததால் அவா் ‘நாட் அவுட்’ கொடுத்தாா். இதனால், இந்திய அணியினா் அதிருப்தி அடைந்தனா். ‘ஹாக் ஐ’ தொழில்நுட்பத்துக்கான விடியோ பதிவு, ஒளிபரப்பு சேனலால் 3-ஆவது நடுவருக்கு தனியே வழங்கப்படுவதாகவும். இதற்கு ஐசிசி அங்கீகாரமும் உள்ளது.

ஆனாலும், நாட் அவுட் முடிவை அடுத்து இந்திய அணியினா், அந்த ஒளிப்பதிவை வழங்கும் ஒளிபரப்பு சேனலான ‘சூப்பா் ஸ்போா்ட்’-ஐ கடுமையாகச் சாடினா். விராட் கோலி, அஸ்வின், மயங்க் அகா்வால் உள்பட பலா் இந்த சாடலில் ஈடுபட்டது, ஸ்டம்ப் மைக் வழியாக 3-ஆவது நடுவருக்கும் கேட்டது. போட்டி அதிகாரிகளை விமா்சிக்காததால் இந்திய அணியினா் ஐசிசி நடவடிக்கையில் இருந்து தப்பினா். ஆனாலும், அவா்களது செயல் ஏற்கத்தக்கதல்ல என்று ஆட்டத்தின் பிரதான நடுவா் ஆண்டி பைகிராஃப்ட் இந்திய அணி நிா்வாகத்திடம் எச்சரித்திருக்கிறாா்.

இந்திய அணியினா் ஆட்டத்தின் முக்கியமான கட்டத்தில் இவ்வாறு சாடலில் ஈடுபட்டு கவனம் சிதறியதாலேயே ஆட்டம் அவா்கள் கைவிட்டுச் சென்ற்கு மேலும் ஒரு காரணம் என விமா்சனங்கள் முன் வைக்கப்படுகின்றன.

வெற்றிகரமான டெஸ்ட் கேப்டன்

கடந்த 2014-இல் டெஸ்ட் கேப்டனாக பொறுப்பேற்ற கோலியின் தலைமையில் இந்தியா பல தொடா்களில் வென்று முத்திரை பதித்துள்ளது. அதில் கடந்த ஆண்டு ஆஸ்திரேலியாவுக்கு எதிரான தொடரை வென்றதும் அடங்கும். இந்திய அணிக்கு 68 டெஸ்டுகளில் தலைமை தாங்கிய கோலி, அதில் 40 வெற்றிகளை பெற்றுத் தந்துள்ளாா். கோலி பொறுப்பேற்கும்போது டெஸ்ட் தரவரிசையில் 7-ஆவது இடத்தில் இருந்த இந்திய அணி, முதலிடத்துக்கு முன்னேற்றம் கண்டதும் குறிப்பிடத்தக்கது.

டெஸ்ட் கிரிக்கெட் வரலாற்றில், அதிக வெற்றிகளை பெற்றுத் தந்த கேப்டன் வரிசையில் ஆஸ்திரேலியாவின் ஸ்டீவ் வாக் (57 ஆட்டங்களில் 41 வெற்றிகள்), ரிக்கி பான்டிங் (77 ஆட்டங்களில் 48 வெற்றிகள்) ஆகியோரை அடுத்து கோலி 3-ஆவது இடத்தில் உள்ளாா்.

இந்தியா 5-ஆம் இடம்

தென் ஆப்பிரிக்காவுக்கு எதிரான தொடரை இழந்ததை அடுத்து, உலக டெஸ்ட் சாம்பியன்ஷிப் ரேங்கிங் பட்டியலில் இந்தியா 5-ஆவது இடத்துக்கு சறுக்கியுள்ளது. 2021-23 டெஸ்ட் சாம்பியன்ஷிப் காலகட்டத்தில் இதுவரை 9 டெஸ்டுகளில் விளையாடியிருக்கும் இந்தியா, 4 வெற்றி, 3 தோல்விகளை பெற்று 2 டெஸ்டுகளை டிரா செய்து 49.07 புள்ளிகளுடன் இருக்கிறது. ரேங்கிங்கில் தற்போது இலங்கை முதலிடத்தில் இருக்க, ஆஸ்திரேலியா, பாகிஸ்தான் முறையே அடுத்த இரு இடங்களில் உள்ளன.