செர்பியாவின் பிரபல டென்னிஸ் வீரர் நோவக் ஜோகோவிச்சுக்கு ஆஸ்திரேலிய அரசு விசா மறுத்ததை எதிர்த்து உச்ச நீதிமன்றத்தில் தொடரப்பட்ட வழக்கில் ஜோகோவிச் தோல்வியடைந்துள்ளார்.

ஆஸ்திரேலிய குடியேற்றத் துறை அமைச்சர் அலெக்ஸ் ஹாக், தனது தனியதிகாரத்தைப் பயன்படுத்தி நோவக் ஜோகோவிச்சின் விசா அனுமதியை வெள்ளிக்கிழமை ரத்து செய்தார். இதை எதிர்த்து ஆஸ்திரேலிய உச்ச நீதிமன்றத்தில் ஜோகோவிச் சார்பில் மனுத் தாக்கல் செய்யப்பட்டது.

இதையும் படிக்க | ஆஷஸ் கடைசி டெஸ்டிலும் இங்கிலாந்து தோல்வி: ஆஸ்திரேலியா 4-0

இதை விசாரித்த உச்ச நீதிமன்றம் ஜோகோவிச்சின் மனுவை இன்று (ஞாயிற்றுக்கிழமை) தள்ளுபடி செய்தது. இதன்மூலம், அவர் ஆஸ்திரேலியாவிலிருந்து வெளியேற்றப்படவுள்ளார்.

ஜோகோவிச் வென்றுள்ள 20 கிராண்ட்ஸ்லாம் பட்டங்களில் 9 கிராண்ட்ஸ்லாம் பட்டங்கள் ஆஸ்திரேலிய ஓபனில் வென்றுள்ளார். 

ஆஸ்திரேலிய ஓபன் நாளை (திங்கள்கிழமை) தொடங்கவுள்ளது குறிப்பிடத்தக்கது.