செய்திகள்

முதல் டெஸ்ட்: தேவை 4 விக்கெட்டுகள் இந்திய வெற்றிக்கு! அக்ஸா் படேல் அபாரம்

18th Dec 2022 12:00 AM

ADVERTISEMENT

வங்கதேசத்துக்கு எதிரான முதல் டெஸ்ட் ஆட்டத்தில் இந்தியா வெற்றியை நெருங்கி உள்ளது. அக்ஸா் படேலின் அற்புத பௌலிங்கால் வங்கதேசம் தடுமாறி வருகிறது.

உலக டெஸ்ட் சாம்பியன்ஷிப் போட்டியின் ஒரு பகுதியாக இரு அணிகளுக்கும் டெஸ்ட் தொடா் நடைபெற்று வருகிறது.

முதல் டெஸ்ட் ஆட்டம் சட்டோகிராமில் நடைபெற்று வருகிறது. முதல் இன்னிங்ஸில் இந்திய அணி 404 ரன்களுக்கும், வங்கதேசம் 150 ரன்களுக்கும் ஆல் அவுட்டாயின.

இதைத் தொடா்ந்து இரண்டாவது இன்னிங்ஸை ஆடிய இந்திய அணி, 258/2 ரன்களுக்கு டிக்ளோ் செய்வதாக அறிவித்தது. ஷுப்மன் கில் 110, புஜாரா 110 ரன்களுடன் அபார சதமடித்தனா்.

ADVERTISEMENT

513 ரன்கள் இமாலய இலக்கு:

வெற்றிக்கு 513 ரன்கள் என்ற இமாலய இலக்குடன் வங்கதேச அணி தனது இரண்டாவது இன்னிங்ஸை தொடங்கியது. ஜாகீா்-நஜ்முல் ஹுசேன் இணை இந்திய பௌலா்களுக்கு சவாலை ஏற்படுத்தியது. இருவரும் இணைந்து முதல் விக்கெட்டுக்கு 124 ரன்களை சோ்த்தனா்.

அக்ஸா் படேல் அபாரம்:

அறிமுக இந்திய பௌலா் அக்ஸா் படேல் அபாரமாக பௌலிங் செய்து யாஸிா் அலி 5, முஷ்பிகுா் ரஹ்மான் 23, நுருல் ஹாஸன் 3 ஆகியோா் வெளியேற்றியதால், வங்கதேச அணி தள்ளாடியது. லிட்டன் தாஸ் 19 ரன்களுடன் குல்தீப் யாதவிடம் வீழ்ந்தாா்.

ஜாகீா் ஹாசன் அபாரம் 100:

தொடக்க பேட்டா் ஜாகீா் ஹாசன் அற்புதமாக ஆடி 1 சிக்ஸா், 12 பவுண்டரியுடன் 224 பந்துகளில் 100 ரன்களை விளாசினாா்.

பௌலா் அஸ்வின் பந்துவீச்சில் அவுட்டானாா் ஜாகீா்.

நான்காம் நாளான சனிக்கிழமை ஆட்ட நேர முடிவில் வங்கதேச அணி 102 ஓவா்களில் 272/6 ரன்களுடன் தடுமாறிக் கொண்டிருந்தது.

கேப்டன் ஷகிப் அல் ஹசன் 40, மெஹ்தி ஹாஸன் மிராஸ் 9 ரன்களுடன் களத்தில் உள்ளனா். இந்திய அணி தரப்பில் அக்ஸா் படேல் 3-50 விக்கெட்டுகளை வீழ்த்தினாா்.

இந்திய வெற்றிக்கு 4 விக்கெட்டுகள் தேவை:

இன்னும் ஒருநாள் உள்ள நிலையில், முதல் டெஸ்ட்டை கைப்பற்ற இந்திய அணிக்கு இன்னும் 4 விக்கெட்டுகள் தேவைப்படுகிறது.

 

ADVERTISEMENT
ADVERTISEMENT