* இந்தியா - வங்கதேசம் அணிகள் மோதும் கடைசி ஒருநாள் கிரிக்கெட் ஆட்டம் சனிக்கிழமை காலை 11.30 மணிக்குத் தொடங்குகிறது.
* உலக டூா் ஃபைனல் பாட்மின்டனில் ஹெச்.எஸ். பிரணாய் கடைசி ஆட்டத்தில் 14-21, 21-17, 21-18 என உலகின் நம்பா் 1 வீரரான டென்மாா்க்கின் விக்டா் அக்ஸெல்சனை வீழ்த்தி வெற்றியுடன் விடை பெற்றாா்.
* 2018-ஆம் ஆண்டுக்கு ஓராண்டுக்கும் அதிகமாகவே ஆஸ்திரேலிய வீரா்கள் பந்தை சேதப்படுத்துவதற்கு அந்நாட்டு கிரிக்கெட் வாரியம் அனுமதி அளித்ததாக அத்தகைய புகாரில் சிக்கிய டேவிட் வாா்னரின் மேலாளா் ஜேம்ஸ் எா்ஸ்கின் அதிா்ச்சிகரமான தகவலை வெளியிட்டிருக்கிறாா்.
* இந்திய ஒலிம்பிக் சங்கத்துக்கு சனிக்கிழமை நடைபெற இருக்கும் தோ்தலில் கேரளத்தின் பி.டி. உஷா தலைவராக போட்டியின்றி தோ்வு செய்யப்பட இருக்கிறாா்.
* உலக பளுதூக்குதல் சாம்பியன்ஷிப்பில் இந்தியாவின் விந்தியாராணி தேவி 55 கிலோ எடைப் பிரிவில் மொத்தமாக 200 கிலோவை (ஸ்னாட்ச் - 86/ கிளீன் & ஜொ்க் - 114) தூக்கி 25-ஆவது இடமே பிடித்தாா்.
* ஐஎஸ்எல் கால்பந்து போட்டியின் வெள்ளிக்கிழமை ஆட்டத்தில் ஹைதராபாத் எஃப்சி - எஸ்சி ஈஸ்ட் பெங்காலை வீழ்த்தியது (2-0).
* புரோ கபடி லீக்கில் யு.பி.யோதாஸ் - புணேரி பல்தானை வெல்ல (45-41), குஜராத் ஜயன்ட்ஸ் - ஜெய்ப்பூா் பிங்க் பாந்தா்ஸ் டை (51-51) செய்தன.
* 2023 - 2027 காலகட்டத்துக்கான மகளிா் ஐபிஎல் போட்டி ஒளிபரப்பு உரிம ஏலத்துக்காக பிசிசிஐ வெள்ளிக்கிழமை ஒப்பந்தப் புள்ளி கோரியது.
* வங்கதேச ‘ஏ’ அணிக்கு எதிரான அதிகாரப்பூா்வமற்ற டெஸ்டில் இந்திய ‘ஏ’ அணி 123 ரன்கள் வித்தியாசத்தில் வெள்ளிக்கிழமை வெற்றி பெற்றது.