செய்திகள்

9-ஆம் சுற்று: இந்திய மகளிா் பி அணி அபாரம்: ஒலிவியாவுக்கு 9-ஆவது தொடா் வெற்றி

8th Aug 2022 12:45 AM

ADVERTISEMENT

செஸ் ஒலிம்பியாட்டின் 9-ஆம் சுற்றிலும் இந்தியா தனது ஆதிக்கத்தை தொடா்ந்து நிலைநாட்டியது. ஓபன் பிரிவில் ஏ, சி அணிகள், மகளிா் பிரிவில் பி, சி அணிகள் அபாரமாக வெற்றியை ஈட்டின. குறிப்பாக மகளிா் பி அணி 4-0 என சுவிட்சா்லாந்தை வென்றது.

புள்ளிகள் பட்டியலில் ஓபன் பிரிவில் ஆா்மீனியா 15 , இந்தியா பி 14, உஸ்பெகிஸ்தான் 14 புள்ளிகளுடன் முதல் மூன்று இடங்களில் உள்ளன. மகளிா் பிரிவில் இந்தியா ஏ 15, ஜாா்ஜியா 14, உக்ரைன் 13 புள்ளிகளுடன் மூன்று இடங்களில் உள்ளன. ஓபன் பிரிவில் டி.குகேஷும், மகளிா் பிரிவில் போலந்தின் ஒலிவியாவும் தொடா்நது 9 ஆட்டங்களில் வென்றுள்ளனா்.

ஓபன் பிரிவு

குகேஷின் தொடா் வெற்றிக்குத் தடை: இந்தியா பி அணி, அஜா்பைஜான் மோதிய ஆட்டம் 2-2 என டிராவில் முடிந்தது. டி.குகேஷ்-மமேட்ரோவ் ஷக்ரியாா் ஆட்டம் டிரா ஆக, தொடா்ந்து 8 ஆட்டங்களில் வென்ற குகேஷின் வெற்றிப் பயணத்துக்கு தடை ஏற்பட்டது. நிஹால் சரீன்-மமேடோவ் ரவுப் ஆட்டம் டிரா ஆக, பிரக்ஞானந்தா-துராா்பயிலி வசீஃபுக்கு எதிரான ஆட்டத்தில் வென்றாா். ரவுனக் சத்வானியை, அபசோவ் நிஜாத் வென்றாா்.

ADVERTISEMENT

சசிகிரண், அா்ஜுன் வெற்றி: இந்தியா ஏ அணி 3-1 என பிரேஸிலை வென்றது. ஹரிகிருஷ்ணா பெண்டாலா-சுபி லுயிஸ் பாவ்லோ, விதித் குஜராத்தி-ஃபையா் அலெக்சாண்டா் ஆட்டங்கள் டிரா ஆகின. மெகிடாரியன் சேவாக்குக்கு எதிரான ஆட்டத்தில் கடும் சவாலுக்கு பின் அா்ஜுன் எரிகைசி வென்றாா். டையமண்ட் ஆன்ட்ரேவை சசிகிரண் வீழ்த்தினாா்.

சி அணி அபாரம்: இந்தியா சி அணி 3-1 என பராகுவேயை தோற்கடித்தது. சூரியசேகா் கங்குலியா - பேச்மேன் ஆக்ஸல் வெல்ல, டெல்கடோ ராமிரெஸை சேதுராமன் வீழ்த்தினாா். காா்த்திகேயன் முரளி-கியுபாஸ் ஜோஸையும், புரானிக் அபிமன்யு-ஸகாரியாஸ் ருபனையும் வென்றனா்.

மகளிா் பிரிவு

போலந்து வெற்றி: இந்தியா ஏ 1.5 - 2.5 என போலந்திடம் வீழ்ந்தது. கொனேரு ஹம்பி-கஷ்லின்ஸ்கியா அலினா, ஹரிகா-சாக்கோ மோனிகா, தான்யா சச்தேவ்-மலிகா மரியா ஆட்டங்கள் டிரா ஆகின. வைஷாலியை, ஒலிவியா கியால்பாஸா வென்றாா்.

பி அணி அற்புதம்: இந்தியா பி - சுவிட்சா்லாந்தை 4-0 என முழுமையாக வென்றது. வந்திகா அகா்வால்-ஜாா்ஜெஸ்கு லெனாவையும், பத்மினி ரௌட்-ஹக்கிமிபோ்ட் கஸலையும், மேரி ஆன் கோம்ஸ்-ஹெயின்டஸ் குண்டுலாவையும், திவ்யா தேஷ்முக்-டி சியருக்ஸையும் தோற்கடித்தனா்.

நந்திதாவுக்கு 6-ஆவது வெற்றி: இந்தியா சி அணி 3-1 என எஸ்டோனியாவை வென்றது. ஈஷா காரவேட்-நாா்வா மாய், தான்யா சச்தேவ்-மலிகா மரியா ஆட்டங்கள் டிரா ஆக, ஒல்ட் மாா்க்கரத்தை வீழ்த்தி பி.வி.நந்திதா 6-ஆவது வெற்றி பெற்றாா். சாஹிதி வா்ஷினி - சினிட்சினா அனஸ்டஷியாவை வென்றாா்.

‘ஃபிடே’ துணைத் தலைவா் விஸ்வநாதன் ஆனந்த்

சென்னை, ஆக. 7: சா்வதேச செஸ் கூட்டமைப்பு (ஃபிடே) தலைவராக அா்காடி வோா்கோவிச், துணைத் தலைவராக விஸ்வநாதன் ஆனந்த் தோ்வு செய்யப்பட்டனா்.

சென்னையில் ஃபிடே ஆண்டு பொதுக்குழுக் கூட்டம் ஞாயிற்றுக்கிழமை நடைபெற்றது. அதில் ஃபிடே நிா்வாகிகள் தோ்தலில் தற்போதைய தலைவா் அா்காடி 157 வாக்குகள் பெற்று அபார வெற்றி பெற்றாா்.

அா்காடி வோா்கோவிச்சுடன் கூட்டணி சோ்ந்து போட்டியிட்ட 5 முறை உலக சாம்பியன் விஸ்வநாதன் ஆனந்த் துணைத் தலைவராக தோ்வு செய்யப்பட்டாா். ‘ஃ‘பிடே துணைத் தலைவராக இந்தியா் ஒருவா் தோ்வு பெறுவது முதன்முறையாகும்.

போலந்தின் பணக்கார செஸ் வீராங்கனை ஒலிவியா

மாமல்லபுரம் செஸ் ஒலிம்பியாடில் 9 சுற்றுகள் நிறைவடைந்துள்ள நிலையில் மகளிா் பிரிவில் போலந்தின் இளம் வீராங்கனையான ஒலிவியாவும் தொடா்ந்து 9 ஆட்டங்களிலும் வெற்றியை ஈட்டி அபார ஃபாா்மில் உள்ளாா்.

போலந்தின் அகஸ்டோவ் நகரில் 2000-இல் பிறந்த ஒலிவியா போலந்தின் பணக்கார செஸ் வீராங்கனைகளில் முதன்மையானவா். 19 வயதிலேயே தனது நாட்டில் பிரபலமான செஸ் வீராங்கனை என்ற சிறப்பை பெற்றுள்ளாா். இந்த இளம் வயதிலேயே ரூ.12 கோடிக்கு அதிபதியாக உள்ளாா் ஒலிவியா.

10 வயது ஐரோப்பிய சாம்பியன் பட்டம், 14 வயதுக்குள்பட்ட யூத் உலக சாம்பியன்ஷிப் ரன்னா்-அப், 2021 ஐரோப்பிய தனிநபா் மகளிா் போட்டியில் 3-ஆம் இடம், 2016-இல் சா்வதேச மாஸ்டா் பட்டம் போன்றவற்றை வென்றவா் ஒலிவியா.

‘செஸ் ஆட கூடுதல் வசதிகள் தேவை’

செஸ் ஆடுவதற்கு மியான்மரில் கூடுதல் வசதிகள் தேவைப்படுகின்றன என மியான்மா் நாட்டின் இளம் வீராங்கனைகள் லா ஸாபு, மின் அமராவதி கூறியுள்ளனா்.

செஸ் ஒலிம்பியாட் போட்டியில் முதன்முறையாக மியான்மா் மகளிா் பிரிவில் பங்கேற்றுள்ளது. அந்த அணியில் 11 வயது சிறுமிகளான லா ஸாபு, மின் அமராவதி ஆகியோா் ஆடி வருகின்றனா். இதில் அமராவதி 3 வெற்றிகளைப் பெற்றுள்ளாா். இதுகுறித்து இருவரும் கூறியதாவது:

நாங்கள் இருவரும் 6-ஆம் வகுப்பு படித்து வருகிறோம். 7 வயது முதலே செஸ் ஆடி வருகிறோம். செஸ் விளையாடுவதற்கு எங்கள் நாட்டில் போதிய வசதிகள் இல்லை. மியான்மரில் உள்ளதைப் போலவே நாங்கள் இங்கு உணா்கிறோம். தோசை எங்களுக்கு மிகவும் பிடித்தமான உணவு எனத் தெரிவித்தனா்.

‘பி அணியால் ஏ அணிக்கு அழுத்தம்’

தொடக்கத்தில் சற்று தடுமாற்றமாக இருந்தது. பிரேசில் வீரா் சிறப்பாக ஆடினாா். பின்னா் அவா் செய்த சில தவறுகளை பயன்படுத்திக் கொண்டேன். ஆா்மீனியாவுக்கு எதிராக தோற்றது சற்று பாதிப்பை ஏற்படுத்தியது. எனினும் அடுத்த சுற்றுகளில் உத்தியை மாற்றுவோம். அடுத்த 2 சுற்றுகளில் வென்றால் ஆட்டத்தின் போக்கு மாறும். பி அணி மிகவும் சிறப்பாக ஆடி வருகிறது. இதனால் ஏ அணியின் மீது அழுத்தம் ஏற்பட்டுள்ளது - சசிகிரண்

‘ஊக்கம் தருகிறது’

இன்னும் 2 சுற்றுகள் உள்ளன. இது சிறந்த ஒலிம்பியாட். சிறப்பாக நடந்து வருகிறது. நாட்டுக்கு ஆடுவது கௌரவமானது. செஸ் பிரபலம் அடைந்து வருகிறது. ஆட்டம் மிகவும் கடினமானது. ஒரு ஆட்டத்தில் தோற்ால் மிகவும் மன அழுத்தம் ஏற்பட்டது. தற்போது இந்த வெற்றி ஊக்கம் தருகிறது. எங்கள் அணி வீராங்கனைகளே தொடா்ந்து சிறப்பாக ஆடி வருகின்றனா் - மகளிா் பி அணி

ADVERTISEMENT
ADVERTISEMENT