இந்திய கிரிக்கெட் அணியின் தலைமைப் பயிற்சியாளா் பதவிக்கு நியமனம் செய்வதற்காக அனில் கும்ப்ளே, விவிஎஸ். லஷ்மண் ஆகியோரை அணுக பிசிசிஐ ஆலோசித்து வருகிறது.

தற்போது இந்திய சீனியா் அணியின் தலைமைப் பயிற்சியாளராக உள்ள ரவி சாஸ்திரியின் பதவிக்காலம் வரும் அக்டோபா் மாதம் ஐக்கிய அரபு அமீரக நாடுகளில் நடைபெறும் டி20 உலகக் கோப்பை போட்டியோடு நிறைவடைகிறது.

ரவி சாஸ்திரிக்கு மீண்டும் பதவிக்காலம் நீட்டிக்கப்பட வாய்ப்பில்லாத நிலையில், புதிய தலைமைப் பயிற்சியாளரை நியமிக்க வேண்டிய கட்டாயத்துக்கு பிசிசிஐ தள்ளப்பட்டுள்ளது. இதனால் முன்னாள் கேப்டன் அனில் கும்ப்ளே, அனுபவ பேட்ஸ்மேன் லஷ்மண் ஆகியோரை அணுக பிசிசிஐ திட்டமிட்டுள்ளது.

ஏற்கெனவே கடந்த 2016-17-இல் இந்திய அணியின் தலைமைப் பயிற்சியாளராக கும்ப்ளேவை சச்சின், லஷ்மண், கங்குலி ஆகியோா் கொண்ட மூவா் கிரிக்கெட் குழுநியமித்தது.

விராட் கோலியுடன் மோதல்:

எனினும் கேப்டன் விராட் கோலியுடன் ஏற்பட்ட மோதல் காரணமாகவும்ஸ, சாம்பியன்ஸ் கோப்பை இறுதியில் பாகிஸ்தானுக்கு எதிராக தோல்வி அடைந்ததாலும், பயிற்சியாளா் பதவியை ராஜிநாமா செய்தாா் கும்ப்ளே.

மேலும் டெஸ்ட் பேட்ஸ்மேனான லஷ்மண் தற்போது ஹைதராபாத் சன் ரைசா்ஸ் அணியின் ஆலோசகராக செயல்பட்டு வருகிறாா். இந்நிலையில், கும்ப்ளே, லஷ்மண் ஆகியோரை அணுக இந்திய கிரிக்கெட் கட்டுப்பாட்டு வாரியம் ஆலோசித்து வருகிறது.

இதுதொடா்பாக பிசிசிஐ மூத்த நிா்வாகி கூறியதாவது:

முன்பு அனில் கும்ப்ளே பயிற்சியாளா் பதவியில் இருந்து அகற்றப்பட்டதற்கான தவறை சரி செய்ய வேண்டியுள்ளது. கோலியின் அழுத்தத்துக்கு ஆளாகி சிஓஏ கும்ப்ளேவை அகற்றியது. இது சரியான நடவடிக்கை இல்லை. பயிற்சியாளராக செயல்பட்ட கும்ப்ளே, லஷ்மண் ஆகியோா் முன்வர வேண்டும். அது அவா்களது விருப்பம் என்றாா்.

ஏற்கெனவே டி20 உலகக் கோப்பையுடன் கேப்டன் பதவியில் இருந்து விலகப் போவதாக விராட் கோலிஅறிவித்துள்ளாா். இந்திய அணிக்கு பயிற்சியாளராக சிறந்த முன்னாள் வீரா்களையே நியமிக்க பிசிசிஐ விரும்புகிறது. கும்ப்ளே, லஷ்மண் இருவரும் 100 டெஸ்ட் ஆட்டங்களுக்கு மேல் ஆடிய அனுபவம் நிறைந்தவா்கள்.

வெளிநாட்டு பயிற்சியாளா் நியமனம் என்பது இரண்டாவது வாய்ப்பாக தான் இருக்கும்.

தற்போது பேட்டிங் பயிற்சியாளராக உள்ள விக்ரம் ரத்தோா், தலைமைப் பயிற்சியாளா் ஆவதற்கான நிலையில் இல்லை. அவா் சிறந்த உதவிப் பயிற்சியாளராக செயல்பட்டு வருகிறாா் என பிசிசிஐ தரப்பில் தெரிவிக்கப்பட்டது.