செய்திகள்

ஜம்மு - காஷ்மீர் டி20 அணியில் இடம்பெற்றுள்ள ஐபிஎல் போட்டியின் அதிவேகப் பந்துவீச்சாளர்

21st Oct 2021 01:16 PM

ADVERTISEMENT

 

ஐபிஎல் போட்டியில் அதிவேகமாகப் பந்துவீசி கவனம் பெற்ற இளம் வீரர் உம்ரான் மாலிக், சையத் முஷ்டாக் அலி கோப்பைப் போட்டிக்கான ஜம்மு - காஷ்மீர் அணியில் இடம்பெற்றுள்ளார்.

சையத் முஷ்டாக் அலி கோப்பை டி20 போட்டி நவம்பர் 4 அன்று தொடங்கி நவம்பர் 22-ல் நிறைவுபெறுகிறது. இப்போட்டிக்கான ஜம்மு - காஷ்மீர் அணி அறிவிக்கப்பட்டுள்ளது. 

ஐபிஎல் 2021 போட்டியில் மணிக்கு 150 கி.மீ.க்கும் அதிகமாகப் பந்துவீசி கவனம் ஈர்த்தார் ஓர் இளம் இந்தியப் பந்துவீச்சாளர்.

ADVERTISEMENT

சன்ரைசர்ஸ் ஹைதராபாத் அணியில் விளையாடிய ஜம்மு - காஷ்மீரின் ஸ்ரீநகரைச் சேர்ந்த 21 வயது உம்ரான் மாலிக், ஆர்சிபி அணிக்கு எதிராக மணிக்கு 152.95 கி.மீ வேகத்தில் பந்துவீசினார். இந்த வருட ஐபிஎல் போட்டியில் 2-வது அதிவேகப் பந்துவீச்சு அதுதான். (முதல் இடம் ஃபெர்குசனுக்கு - 153.63 கி.மீ.)  

கரோனாவால் பாதிக்கப்பட்ட நடராஜனுக்குப் பதிலாக சன்ரைசர்ஸ் அணியில் சேர்க்கப்பட்டார் உம்ரான் மாலிக். முதல் ஐபிஎல் ஆட்டத்திலேயே 151.03 கி.மீ வேகத்துக்குப் பந்துவீசி அனைவரையும் ஆச்சர்யப்படுத்தினார். 2-வது ஆட்டத்தில் இன்னும் அதிகவேகமாகப் பந்துவீசி, ஐபிஎல் 2021 போட்டியில் வேகமாகப் பந்துவீசிய வீரர்களில் ஒருவர் என்கிற பெருமையைப் பெற்றார். ஐபிஎல் 2021 போட்டியின் அதிவேகப் பந்துவீச்சுப் பட்டியலில் முதல் 8 இடங்களில் 4 இடங்களை உம்ரான் மாலிக் பிடித்தார். 3 ஐபிஎல் ஆட்டங்களில் விளையாடி 2 விக்கெட்டுகளை வீழ்த்தினார். எகானமி - 8.00.

இந்நிலையில் சையத் முஷ்டாக் அலி கோப்பைப் போட்டிக்கான ஜம்மு - காஷ்மீர் அணியில் சன்ரைசர்ஸ் வீரர்களான அப்துல் சமத்தும் உம்ரான் மாலிக்கும் இடம்பெற்றுள்ளார்கள். துணை கேப்டனாக அப்துல் சமத் தேர்வாகியுள்ளார். உம்ரான் மாலிக், ஜம்மு - காஷ்மீர் அணியில் இடம்பெற்றுள்ளதால் அவருடைய பந்துவீச்சு உள்ளூர் போட்டியில் எப்படி இருக்கும் என்பதை ரசிகர்கள் ஆவலுடன் எதிர்பார்க்கவுள்ளார்கள். டி20 உலகக் கோப்பைப் போட்டிக்கான இந்திய அணியில் வலைப்பயிற்சிப் பந்துவீச்சாளராக உம்ரான் மாலிக் தற்போது செயல்பட்டு வருகிறார். 

Tags : Umran Malik
ADVERTISEMENT

MORE FROM THE SECTION

ADVERTISEMENT