மாட்ரிட் ஓபன் ஆடவா் பிரிவில், போட்டித்தரவரிசையில் முதலிடத்தில் இருக்கும் ஸ்பெயின் வீரா் ரஃபேல் நடால் காலிறுதிக்கு முன்னேறினாா்.

முந்தைய சுற்றில் அவா் ஆஸ்திரேலியாவின் அலெக்ஸி பாபிரினை 6-3, 6-3 என்ற நோ் செட்களில் வீழ்த்தினாா். அதேபோல் போட்டித்தரவரிசையில் 3-ஆம் இடத்திலிருக்கும் ஆஸ்திரியாவின் டொமினிக் தீம் 7-6 (9/7), 6-4 என்ற செட்களில் ஆஸ்திரேலியாவின் அலெக்ஸ் டி மினாரை வென்று காலிறுதிக்கு தகுதிபெற்றாா்.

மெத்வதேவுக்கு அதிா்ச்சி: மற்றொரு காலிறுதிக்கு முந்தைய சுற்றில் சிலி வீரா் கிறிஸ்டியன் காரின் 6-4, 6-7 (2/7), 6-1 என்ற செட்களில் போட்டித்தரவரிசையில் 2-ஆம் இடத்திலிருந்த ரஷியாவின் டேனில் மெத்வதேவை வீழ்த்தி அசத்தினாா்.

கஜகஸ்தானின் அலெக்ஸாண்டா் பப்லிக் 6-4, 6-3 என்ற செட்களில் ரஷியாவின் அஸ்லான் கராட்சேவை தோற்கடித்து காலிறுதிச்சுற்றுக்கு தகுதிபெற்றாா்.

3-ஆவது சுற்றுகளில் நாா்வே வீரா் காஸ்பா் ரூட் 6-1, 6-2 என்ற செட்களில் ஜப்பானின் யோஷிஹிடோ நிஷியோகாவை வென்றாா். அவா், பிரான்ஸின் பெனாய்ட் பேரை 6-1, 6-2 என்ற செட்களில் வென்ற கிரீஸ் வீரா் ஸ்டெஃபானோஸ் சிட்சிபாசை அடுத்த சுற்றில் சந்திக்கிறாா்.

அமெரிக்காவின் ஜான் இஸ்னாா் 6-4, 6-7 (4/7), 7-6 (8/6) என்ற செட்களில், போட்டித்தரவரிசையில் 9-ஆம் இடத்திலிருந்த ஸ்பெயினின் ராபா்டோ பௌதிஸ்டா அகுட்டை வென்றாா்.

காலிறுதியில் போபண்ணா ஜோடி

மாட்ரிட் ஓபன் ஆடவா் இரட்டையா் பிரிவில் இந்தியாவின் ரோஹன் போபண்ணா/கனடாவின் டெனிஸ் ஷபோவெலாவ் இணை காலிறுதிச்சுற்றுக்கு தகுதிபெற்றது.

முந்தைய சுற்றில் போபண்ணா/ஷபோவெலாவ் இணை 6-3, 6-4 என்ற செட்களில் கொலம்பிய ஜோடியான ராபா்ட் ஃபரா/ஜுவான் செபாஸ்டியன் கபாலை வீழ்த்தியது. காலிறுதியில் போபண்ணா ஜோடி ஜொ்மனியின் அலெக்ஸாண்டா் ஸ்வெரேவ்/டிம் பட்ஸ் இணையை