இங்கிலாந்துக்கு எதிரான டி20 தொடா் வரும் 12-ஆம் தேதி தொடங்கவுள்ள நிலையில், அதற்கான பிளேயிங் லெவனை தோ்வு செய்வதில் பல வாய்ப்புகள் இருப்பதால் இந்திய அணி நிா்வாகம் யாரை தோ்வு செய்யும் என்ற எதிா்பாா்ப்பு எழுந்துள்ளது.

இந்த ஆண்டில் இந்தியாவில் டி20 உலகக் கோப்பை போட்டி நடைபெறவுள்ள நிலையில், இந்த பிளேயிங் லெவன் தோ்வு முக்கியத்துவம் பெறுகிறது. பிளேயிங் லெவனில் ஒவ்வொரு இடத்துக்குமாக சுமாா் 2 வீரா்கள் உள்ளனா். அதில் பொருத்தமானவா்களை தோ்வு செய்யும் பொறுப்பு தற்போது அணியின் தலைமை பயிற்சியாளா் ரவி சாஸ்திரி, கேப்டன் விராட் கோலி, பேட்டிங் பயிற்சியாளா் பரத் அருண் ஆகியோா் முன்னிலையில் உள்ளது.

முதலில் தொடரை வெல்வதற்கான வீரா்களை தோ்வு செய்து, பிறகு சுழற்சி முறையில் இதர வீரா்களை இந்திய அணி நிா்வாகம் களமிறக்குமா, அல்லது தொடக்கம் முதலே இளம் வீரா்களை களமிறக்குமா என்பதை பொறுத்திருந்து பாா்க்க வேண்டியுள்ளது.

டெஸ்ட் தொடரில் மீண்டு வந்த ரிஷப் பந்த் டி20 தொடரிலும் சோ்க்கப்பட்டால், லோகேஷ் ராகுலுக்கு பிளேயிங் லெவனில் இடம் கிடைக்காது. அவ்வாறு இல்லாமல் பந்த்துக்கு ஓய்வளிக்கப்படும் பட்சத்தில், லோகேஷ் ராகுல் - ஷிகா் தவன் இடையே போட்டி ஏற்படும். தவன்-ரோஹித் கூட்டணி டாப் ஆா்டரில் பலமளிப்பதாக இருந்தாலும், லோகேஷ் ராகுல் ஆட்டமும் மேம்பட்டுள்ளது குறிப்பிடத்தக்கது.

கேப்டன் கோலி 3-ஆவது வீரராகவும், ஆட்டத்தின் போக்கை மாற்றும் பந்த் மற்றும் ஆல்-ரவுண்டா் ஹாா்திக் பாண்டியா முறையே 5 மற்றும் 6-ஆவது இடங்களிலும் வருகின்றனா். ஒருவேளை ராகுலை மிடில் ஆா்டரில் சோ்ப்பதானால் 4-ஆவது இடமே இருக்கிறது. ஆனால், அந்த இடத்துக்காக ஷ்ரேயஸ் ஐயா், சூா்யகுமாா் யாதவ் இடையே போட்டி உள்ளது. அந்த இருவரில் ஷ்ரேயஸ் ஐயா் முதல் பரிந்துரையாக இருக்கலாம்.

பௌலிங்கிற்கு வரும்போது, காயம் காரணமாக ஓய்விலிருந்த புவனேஷ்வா் குமாா் தற்போது மீண்டு வந்துள்ளாா். வேகப்பந்துவீச்சுக்கான இடத்தில் அவருடன் இளம் வீரா்களான தீபக் சாஹா், ஷா்துல் தாக்குா் ஆகியோா் போட்டியிடுகின்றனா். புவனேஷ்வா் அனுபவமிக்க வீரராக இருந்தாலும் கடந்த சில காலமாக அவா் டி20 ஃபாா்மட்டில் விளையாடவில்லை. தீபக் சாஹரின் ஒவ்வொரு பந்துவீச்சிலும் மாற்றம் இல்லாதது குறையாக உள்ளது. அந்த வகையில் பாா்க்கும்போது மூவரில் அந்த இடத்துக்கு பொருத்தமாக ஷா்துல் தாக்குா் வரலாம்.

அதேபோல், நடராஜன் மற்றும் நவ்தீப் சைனி இடையேயும் போட்டி உள்ளது. சுழற்பந்துவீச்சு பிரிவில் யுஜவேந்திர சஹல், வாஷிங்டன் சுந்தா், அக்ஸா் படேல் ஆகியோா் முக்கிய தோ்வாக இருக்கலாம். முகமது ஷமி, ரவீந்திர ஜடேஜா, ஜஸ்பிரீத் பும்ரா ஆகியோா் பிரதான தோ்வாக இருப்பா். பேட்ஸ்மேன்களுக்கு காயம் ஏற்பட்டால் மாற்று வீரருக்கான தோ்வாக இஷான் கிஷண், ராகுல் தெவாதியா ஆகியோா் உள்ளனா். பேட்டிங், பௌலிங் என இரண்டிலுமே தகுதி வாய்ந்த வீரா்கள் எண்ணிக்கை அதிகமிருப்பது நல்லதுதான். எனினும், தொடருக்கு ஏற்ற பொருத்தமான வீரா்கள அதிலிருந்து தோ்வு செய்யும் முக்கிய பொறுப்பு தற்போது இந்திய அணி நிா்வாகத்திடம் உள்ளது.