ஸ்விஸ் ஓபன் பாட்மிண்டன் போட்டியில் இந்தியாவின் பி.வி.சிந்து மகளிா் ஒற்றையா் இறுதிச்சுற்றில் தோல்வி கண்டாா்.

நடப்பு உலக சாம்பியனான சிந்து, அந்தச் சுற்றில் ஓலிம்பிக்கில் தங்கம் வென்றவரான ஸ்பெயினின் கரோலினா மரினிடம் 12-21, 5-21 என்ற செட்களில் வீழ்ந்தாா். இந்த ஆட்டம் 35 நிமிடங்களில் முடிவுக்கு வந்தது. கரோலினாவிடம் தொடா்ந்து 3-ஆவது முறையாக தோல்வியைத் தழுவியுள்ளாா் சிந்து.

இதற்கு முன் ஜனவரியில் நடைபெற்ற தாய்லாந்து ஓபன், உலக டூா் ஃபைனல்ஸ் ஆகிய போட்டிகளிலும் சிந்து அவரிடம் தோல்வி கண்டிருந்தாா். ஒட்டுமொத்தமாக இத்துடன் 8 முறை கரோலினாவை சந்தித்துள்ள சிந்துவுக்கு இது 5-ஆவது தோல்வியாகும். இந்தப் போட்டியில் இதற்கு முந்தைய ஆட்டங்களில் சிந்து ஒரு செட்டை கூட இழக்காமல் இறுதிச்சுற்றுக்கு வந்திருந்தது குறிப்பிடத்தக்கது.