செய்திகள்

கடைசிக்கட்டத்தில் ஒரே ஓவரில் 3 சிக்ஸர்கள் அடித்த ஆலன்: டி20 தொடரை வென்றது மே.இ. தீவுகள் அணி! (விடியோ)

DIN

இலங்கைக்கு எதிரான டி20 தொடரை 2-1 என வென்றது மேற்கிந்தியத் தீவுகள் அணி.

கூலிட்ஜில் நடைபெற்ற 3-வது டி20 ஆட்டத்தில் முதலில் விளையாடிய இலங்கை அணி 20 ஓவர்களில் 4 விக்கெட் இழப்புக்கு 131 ரன்கள் எடுத்தது. தினேஷ் சண்டிமல் 54 ரன்களும் அஷென் பண்டரா 44 ரன்களும் எடுத்துக் கடைசிவரை ஆட்டமிழக்காமல் இருந்தார்கள். ஃபேபியன் ஆலன் 4 ஓவர்கள் வீசி 1 விக்கெட் எடுத்து 13 ரன்கள் மட்டும் கொடுத்தார்.

இதன்பிறகு விளையாடிய மேற்கிந்தியத் தீவுகள் அணி, 19 ஓவர்களில் 7 விக்கெட் இழப்புக்கு 134 ரன்கள் எடுத்து 3 விக்கெட் வித்தியாசத்தில் வென்றது. ஃபேபியன் ஆலன் கடைசிக்கட்டத்தில் 6 பந்துகளில் 3 சிக்ஸர்களுடன் 21 ரன்கள் எடுத்து அசத்தினார். 12 பந்துகளில் 20 ரன்கள் தேவை என்கிற நிலை இருந்தபோது தனஞ்ஜெயா வீசிய ஓவரில் 3 சிக்ஸர்கள் அடித்து வெற்றியை எளிதாக்கினார் ஆலன். இதனால் ஆட்ட நாயகன் விருது அவருக்கே கிடைத்தது. 

டி20 தொடரை 2-1 என மேற்கிந்தியத் தீவுகள் அணி வென்றுள்ளது. புதன் கிழமை முதல் ஒருநாள் தொடர் தொடங்குகிறது. 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

காங்கிரஸைத் தொடர்ந்து இந்திய கம்யூ. கட்சிக்கும் வருமானவரித் துறை நோட்டீஸ்

பெண்ணின் உடல் மீது ஹமாஸ் பவனி: ‘இது சிறந்த புகைப்படமா?’

சிங்கத்தின் வேட்டை தொடரட்டும்...

ஃபேமிலி ஸ்டார்: தமிழ் டிரைலர்!

ஐசிசி டெஸ்ட் தரவரிசையில் முன்னேறிய தனஞ்ஜெயா!

SCROLL FOR NEXT