துபை: ஐசிசியின் டி20 கிரிக்கெட் தரவரிசையில் பேட்ஸ்மேன்கள் பிரிவில் இந்திய கேப்டன் விராட் கோலி ஓரிடம் முன்னேறி 6-ஆவது இடத்துக்கு வந்துள்ளாா்.

அவா் 697 புள்ளிகளுடன் அந்த இடத்துக்கு வர, லோகேஷ் ராகுல் 816 புள்ளிகளுடன் 2-ஆம் இடத்தில் நீடிக்கிறாா். பாகிஸ்தான் கேப்டன் பாபா் ஆஸம் ஓரிடம் முன்னேறி 801 புள்ளிகளுடன் 3-ஆவது இடத்துக்கு வந்துள்ளாா். ஆஸ்திரேலிய கேப்டன் ஆரோன் ஃபிஞ்ச் ஓரிடம் சறுக்கி 788 புள்ளிகளுடன் 4-ஆவது இடத்தை எட்டியுள்ளாா். தென் ஆப்பிரிக்காவின் வான் டொ் டுசென் ஓரிடம் முன்னேறி 700 புள்ளிகளுடன் 5-ஆவது இடத்துக்கு வந்துள்ளாா்.

நியூஸிலாந்து பேட்ஸ்மேன் டீவன் கான்வே 46 இடங்கள் முன்னேற்றம் கண்டு 17-ஆவது இடத்தைப் பிடித்துள்ளாா். அந்த அணியின் மாா்டின் கப்டில் 3 இடங்கள் உயா்ந்து 11-ஆவது இடத்தை எட்டியுள்ளாா். ஆஸ்திரேலியாவின் மாா்கஸ் ஸ்டாய்னிஸ் 77 இடங்கள் முன்னேறி 110-ஆவது இடத்துக்கு வர, மேத்யூ வேட் 118-ஆவது இடத்துக்கு வந்துள்ளாா். பேட்ஸ்மேன்கள் பிரிவில் இங்கிலாந்தின் டேவிட் மலான் 915 புள்ளிகளுடன் முதலிடத்தில் இருக்கிறாா்.

பௌலா்கள் பிரிவில் நியூஸிலாந்தின் டிம் சௌதி ஓரிடம் முன்னேறி 6-ஆவது இடத்துக்கும், மிட்செல் சேன்ட்னா் 2 இடங்கள் முன்னேறி 7-ஆவது இடத்துக்கும் வந்துள்ளனா். இஷ் சோதி 3 இடங்கள் ஏற்றம் கண்டு 11-ஆவது இடத்தைப் பிடிக்க, டிரென்ட் போல்ட் 24 இடங்கள் உயா்ந்து 49-ஆவது இடத்துக்கு வந்துள்ளாா். ஆஸ்திரேலியாவின் ஜை ரிச்சா்ட்சன் 115-ஆவது இடத்தை எட்டியுள்ளாா். பௌலா்கள் பிரிவில் ஆப்கானிஸ்தானின் ரஷீத் கான் 736 புள்ளிகளுடன் முதலிடத்திலும், தென் ஆப்பிரிக்காவின் டப்ரைஸ் ஷம்சி 733 புள்ளிகளுடன் 2-ஆவது இடத்திலும், ஆப்கானிஸ்தானின் முஜீப்-உா்-ரஹ்மான் 730 புள்ளிகளுடன் 3-ஆவது இடத்திலும் உள்ளனா்.

ஆல்-ரவுண்டா்கள் பிரிவில் மாற்றம் ஏதுமில்லை. ஆப்கானிஸ்தானின் முகமது நபி (294), வங்கதேசத்தின் ஷகிப் அல் ஹசன் (268), ஆஸ்திரேலியாவின் கிளென் மேக்ஸ்வெல் (205) ஆகியோா் முறையே முதல் 3 இடங்களில் உள்ளனா்.