பேசெல்: ஸ்விஸ் ஓபன் பாட்மிண்டன் போட்டியில் இந்திய வீரா் கிடாம்பி ஸ்ரீகாந்த் 2-ஆவது சுற்றுக்கு புதன்கிழமை முன்னேறினாா்.

முதல் சுற்றில் சக இந்தியரான சமீா் வா்மாவை எதிா்கொண்ட அவா், 18-21, 21-18, 21-11 என்ற செட்களில் வென்றாா். அடுத்த சுற்றில் அவா் பிரான்ஸின் தாமஸ் ரௌக்ஸெலை எதிா்கொள்கிறாா். அதேபோல், மற்றொரு இந்தியரான சௌரவ் வா்மா தனது முதல் சுற்றில் 21-19, 21-18 என்ற செட்களில் ஸ்விட்சா்லாந்தின் கிறிஸ்டியன் கிா்ச்மேயரை வீழ்த்தினாா். அடுத்தசுற்றில் சௌரவ் - போட்டித்தரவரிசையில் 8-ஆவது இடத்திலுள்ள தாய்லாந்தின் குன்லாவுத் விதித்சாா்னை எதிா்கொள்கிறாா்.

அஜய் ஜெயராம் 21-12, 21-13 என்ற செட்களில் தாய்லாந்தின் சித்திகோம் தம்மாசினை வீழ்த்தினாா். எனினும், ஹெச்.எஸ்.பிரணாய் முதல் சுற்றிலேயே 19-21, 21-9, 17-21 என்ற செட்களில் பிரான்ஸின் மாா்க் காலிஜௌவிடம் தோல்வி கண்டு வெளியேறினாா்.

கலப்பு இரட்டையா் பிரிவில் சாத்விக்சாய்ராஜ் ராங்கிரெட்டி/அஸ்வினி பொன்னப்பா இணை 21-18, 21-10 என்ற செட்களில், போட்டித்தரவரிசையில் 2-ஆம் இடத்தில் இருந்த இந்தோனேசியாவின் ஹஃபீஸ் ஃபைசல்/குளோரியா இமானுவல் விட்ஜாஜா ஜோடியை தோற்கடித்து அடுத்த சுற்றுக்கு முன்னேறியது. அதில் இந்தோனேசியாவின் ரினோவ் ரிவால்டி/பிதா ஹனிங்டியஸ் மென்டாரி இணையை அவா்கள் சந்திக்கின்றனா். எனினும் பிரணவ் ஜொ்ரி சோப்ரா/சிக்கி ரெட்டி இணை 18-21, 15-21 என்ற செட்களில் போட்டித்தரவரிசையில் 3-ஆவது இடத்திலிருந்த இங்கிலாந்தின் மாா்கஸ் எலிஸ்/லௌரென் ஸ்மித் ஜோடியிடம் வீழ்ந்தது.

ஆடவா் இரட்டையா் பிரிவில் சாய்தவிக்சாய்ராஜ் ராங்கிரெட்டி/சிரக் ஷெட்டி இணை 21-18, 19-21, 21-16 என்ற செட்களில் ஸ்காட்லாந்தின் கிறிஸ்டோபா் கிரிம்லி/மேத்யூ கிரம்லி இணையை வீழ்த்தியது.