யூரோ கோப்பை கால்பந்து போட்டியில் ஜொ்மனிக்கு எதிரான ஆட்டத்தில் 2-4 என்ற கோல் கணக்கில் போா்ச்சுகல் தோல்வியை தழுவியது. அந்த அணி வீரா்கள் இருவா் அடித்த இரு ‘ஓன் கோல்’கள், போா்ச்சுகல் வெற்றியை பதம் பாா்த்தது.

இரு அணிகளுக்கும் இது 2-ஆவது ஆட்டமாக இருந்த நிலையில், ஜொ்மனிக்கு இது முதல் வெற்றி; போா்ச்சுகலுக்கு இது முதல் தோல்வி.

ஜொ்மனியின் முனீச் நகரில் இந்திய நேரப்படி, சனிக்கிழமை இரவு நடைபெற்ற ஆட்டத்தை போா்ச்சுகல் அட்டகாசமாக தொடங்கியது. 15-ஆவது நிமிடத்தில் போா்ச்சுகல் வீரா் சில்வா தூக்கியடித்த பந்தை வாங்கி கடத்திச் சென்ற சக வீரா் ஜோடா, கோல் போஸ்ட்டை நோக்கி முன்னேறினாா். அவரைத் தடுக்க கோல் கீப்பா் முன்னேறி வர, ஜோடா தனக்கு வலது புறமாக உடன் வந்த கேப்டன் ரொனால்டோவிடம் பந்தை கிராஸ் செய்தாா். அவா் ஆளில்லா போஸ்டில் அற்புதமாக கோலடித்தாா்.

ஆனால், 35-ஆவது நிமிடத்தில் போா்ச்சுகல் அணியே ‘ஓன் கோல்’ தவறால் ஆட்டத்தை சமன் செய்தது. ஜொ்மனி வீரா் கிம்மிச் கிராஸ் செய்த பந்தை சக வீரா் கோசன்ஸ் உதைத்து 6 யாா்டு பகுதிக்கு திருப்பினாா். அதை மற்றொரு ஜொ்மனி வீரா் ஹாவொ்ட்ஸ் வசப்படுத்த முயற்சிக்க, பந்தை தடுக்க முயன்ற போா்ச்சுகல் வீரா் ரூபன் டியாஸ் தவறுதலாக ‘ஓன் கோல்’ அடித்தாா்.

அடுத்த 4 நிமிடத்தில் மீண்டும் ஓன் கோல் அடித்தது போா்ச்சுகல். ஜொ்மனி வீரா் ருடிகா் சக வீரா் கோசன்ஸிடம் பந்தை தள்ளிவிட, அதை அவா் முல்லருக்கு பாஸ் செய்தாா். பின்னா் தன்னிடம் வந்த பந்தை கிம்மிச் ‘அவே’ செல்ல விடாமல் தடுத்து கோல் போஸ்ட்டுக்கு மிக அருகே இருந்த சக வீரா் கினா்பியிடம் திருப்பினாா். அதை தடுக்க முயன்ற போா்ச்சுகல் வீரா் ரஃபேல் குவெரெய்ரோ கால்களில் பட்டு பந்து ‘ஓன் கோல்’ ஆனது.

இதனால் முதல் பாதி முடிவில் ஜொ்மனி போராட்டமே இல்லாமல் முன்னிலை பெற்றது. 2-ஆவது பாதி ஆட்டத்தில் ஜொ்மனி மேலும் இரு கோல் அடித்தது. 51-ஆவது நிமிடத்தில் கோசன்ஸ் டைவ் செய்து சக வீரா் காய் ஹாவொ்ட்ஸுக்கு கிராஸ் வழங்கினாா். அதை 6 யாா்டு ஏரியாவில் பெற்ற ஹாவொ்ட்ஸ் லேசாக தட்டிவிட்டு கோலடித்தாா்.

60-ஆவது நிமிடத்தில் ஜொ்மனி வீரா் கிம்மிச் தூக்கியடித்து கிராஸ் செய்த பந்தை ஹாவொ்ட்ஸ் தவறவிட, அவருக்கு பின்னே தள்ளி நின்ற கோசன்ஸ் துல்லியமாக தலையால் முட்டி கோலடித்தாா். இதனால் ஜொ்மனி 4-1 என முன்னிலை பெற்றது. கடைசியாக 67-ஆவது நிமிடத்தில் ரொனால்டோ உதவியுடன் போா்ச்சுக வீரா் ஜோடா ஒரு கோல் அடிக்க, இறுதியில் ஜொ்மனி 4-2 என்ற கோல் கணக்கில் வென்றது.

ஹங்கேரி - பிரான்ஸ் ஆட்டம் டிரா

ஹங்கேரி தலைநகா் புடாபெஸ்டில் ஹங்கேரி - பிரான்ஸ் இடையே நடைபெற்ற ஆட்டம் 1-1 என்ற கோல் கணக்கில் டிரா ஆனது.

முதல் கோல் வாய்ப்பு ஹங்கேரிக்கு (45+2 நிமிடம்) கிடைத்தது. ஹங்கேரி வீரா் அட்டிலா ஃபியோலா அபாரமாக முயற்சித்து கோல் அடித்தாா். பிரான்ஸுக்கு 66-ஆவது நிமிடத்தில் கோல் வாய்ப்பு கிடைத்தது. அந்த அணி கோல் கீப்பா் லாங் கிக் கொடுக்க, தன்னிடம் கிடைத்த பந்தை கிலியான் பாபே கடத்திக் கொண்டு கோல் போஸ்ட்டுக்கு இடதுபக்கமாக வந்தாா். கோல் ஏரியாவில் தடுப்பாட்ட வீரா்கள் இல்லாத நிலையில் பந்தை அந்த இடத்துக்கு தள்ள, அதை துல்லிமாக கோலாக்கினாா் ஆன்டனி கிரீஸ்மன்.

சமன் செய்த ஸ்பெயின் - போலாந்து

ஸ்பெயினின் செவில்லே நகரில் ஸ்பெயின் - போலாந்து இடையே நடைபெற்ற ஆட்டம் 1-1 என்ற கோல் கணக்கில் சமன் ஆனது. அதில் ஸ்பெயின் தரப்பில் அல்வாரோ மொராடா 25-ஆவது நிமிடத்தில் கோலடிக்க, போலாந்து அணிக்காக ராபா்ட் லிவான்டோவ்ஸ்கி 54-ஆவது நிமிடத்தில் கோலடித்தாா்.

2 பிரதான போட்டிகளில் போா்ச்சுகல் தனது எதிரணியை 4 கோல்கள் அடிக்க விட்டது இது 2-ஆவது முறை. இதற்கு முன் கடந்த 2014 உலகக் கோப்பையிலும் ஜொ்மனிக்கு தான் அத்தனை கோல் வாய்ப்புகளை போா்ச்சுகல் வழங்கியிருந்தது.

1 ஐரோப்பிய சாம்பியன்ஷிப் போட்டியில் ஒரே ஆட்டத்தில் எதிரணியை 4 கோல்கள் அடிக்கவிட்ட ஒரே நடப்புச் சாம்பியன் என்ற பெயரை போா்ச்சுகல் பெற்றுள்ளது.

1 ஜொ்மனிக்கு எதிராக இதுவரை 4 முறை போச்சுகல் மோதியுள்ள நிலையில், அதில் ரொனால்டோ கோலடித்தது இதுவே முதல் முறையாகும்.

9 இத்துடன் பிரான்ஸ், பிரதான போட்டிகளில் கடைசியாக விளையாடிய 9 ஆட்டங்களில் தோல்வி அடையாமல் வந்துள்ளது.

4 ஐரோப்பிய சாம்பியன்ஷிப் போட்டியில் ஹங்கேரி அணி முதலில் ஸ்கோா் செய்த 4 ஆட்டங்களிலுமே தோல்வி கண்டதில்லை.

1 கடந்த 1976-க்குப் பிறகு அனைத்து போட்டிகளிலுமாக பிரான்ஸ் அணியிடம் ஹங்கேரி தோல்வியை தழுவாமல் போனது இதுவே முதல் முறையாகும்.

1 பிரதான போட்டி ஒன்றில் ஸ்பெயின் - போலந்து மோதியது இதுவே முதல் முறை.

2 கடந்த 1996-க்குப் பிறகு ஐரோப்பிய சாம்பியன்ஷிப் போட்டியில் ஸ்பெயின் தனது முதல் இரு ஆட்டங்களில் வெற்றி பெறாதது இதுவே முதல் முறையாகும்.