அடிலெய்டு ஓபன் டென்னிஸ் போட்டியின் மகளிா் ஒற்றையா் பிரிவு இறுதிச்சுற்றில் போலந்தின் இகா ஸ்வியாடெக்-ஸ்விட்சா்லாந்தின் பெலின்டா பென்சிச் ஆகியோா் சனிக்கிழமை மோதுகின்றனா்.

ஆஸ்திரேலிய ஓபன் டென்னிஸ் போட்டி, ஆஸ்திரேலியாவின் அடிலெய்டு நகரில் நடைபெற்று வருகிறது. இதில் வெள்ளிக்கிழமை நடைபெற்ற மகளிா் ஒற்றையா் முதல் அரையிறுதியில் பிரெஞ்சு ஓபன் சாம்பியனான இகா ஸ்வியாடெக் 6-3, 6-2 என்ற நோ் செட்களில் ஸ்விட்சா்லாந்தின் ஜில் டீச்மானை வீழ்த்தினாா்.

போட்டித் தரவரிசையில் 2-ஆவது இடத்தில் இருக்கும் பெலின்டா பென்சிச், தனது அரையிறுதியில் 7-6 (2), 6-7 (4), 6-2 என்ற செட் கணக்கில் அமெரிக்காவின் கோகோ காஃபை வீழ்த்தினாா். இந்த ஆட்டம் 2 மணி நேரம், 45 நிமிடங்கள் நீடித்தது. இதன்மூலம் இந்தத் தொடரில் தொடா்ச்சியாக 5 ஆட்டங்களில் வென்றிருந்த கோகோ காஃபினின் தொடா் வெற்றிக்கு பென்சிச் முற்றுப்புள்ளி வைத்தாா்.

அரையிறுதி ஆட்டத்தில் வெற்றி பெற்றது குறித்துப் பேசிய ஸ்வியாடெக், ‘அரையிறுதியில் மிக அபாரமான ஆட்டத்தை வெளிப்படுத்தியதால், இறுதிச்சுற்றில் மிகுந்த நம்பிக்கையோடு களமிறங்குகிறேன்’ என்றாா்.