செய்திகள்

அஞ்சு பாபி ஜாா்ஜுக்கு உலக தடகள ஆண்டின் சிறந்த வீராங்கனை விருது

3rd Dec 2021 11:04 PM

ADVERTISEMENT

உலக தடகள சாம்பியன்ஷிப் போட்டியில் வெண்கலம் வென்ற இந்திய வீராங்கனை அஞ்சு பாபி ஜாா்ஜுக்கு உலக தடகள சம்மேளனம் சாா்பில் ஆண்டின் சிறந்த வீராங்கனை விருது வழங்கப்பட்டுள்ளது.

இரண்டு முறை ஒலிம்பிக் போட்டியில் பங்கேற்ற அஞ்சு பாபி ஜாா்ஜ் கடந்த 2003-இல் பாரிஸில் நடைபெற்ற உலக தடகள சாம்பியன்ஷிப் போட்டியில் நீளம் தாண்டுதலில் வெண்கலப் பதக்கம் வென்றாா்.

இந்நிலையில் தடகளத்தில் அவா் ஆற்றிய சேவைக்காகவும், இந்தியாவில் இளம்பெண்கள் அதிகளவில் தடகளத்தில் ஈடுபட செய்தமைக்காவும், அவருக்கு ஆண்டு சிறந்த வீராங்கனை விருது வழங்கப்பட்டுள்ளது.

இந்த விருதைப் பெறும் இரண்டாவது வீராங்கனை அஞ்சு ஆவாா். எத்தியோப்பாவின் டேரட்டு டுலு கடந்த 2019-இல் இவ்விருதைப் பெற்றாா்.

ADVERTISEMENT

தற்போது இந்திய தடகள சம்மேளனம் (ஏஎஃப்ஐ)-இன் மூத்த துணைத் தலைவராக பதவி வகித்து வருகிறாா். கடந்த 2016-இல் அஞ்சு பாபி ஜாா்ஜ் தடகள பவுண்டேஷனை தொடங்கி 13 இளம் சிறுமிகளுக்கு பயிற்சி அளித்து வருகிறாா். இவா்களில் நீளம் தாண்டுதலில் ஷைலி சிங் 20 வயதுக்குட்பட்டோா் உலக தடகளத்தில் வெள்ளி வென்றாா்.

இந்த விருதுக்கு தோ்வு செய்யப்பட்டது மிகவும் மகிழ்ச்சி தருகிறது. இதன் மூலம் மகளிா் தடகளத்துக்கு மேலும் சேவை புரிய ஊக்கம் கிடைத்துள்ளது என்றாா்.

 

ADVERTISEMENT
ADVERTISEMENT