இந்தியா - நியூஸிலாந்து அணிகள் மோதும் 2-ஆவது டெஸ்டில் கேப்டன் விராட் கோலி அணிக்குத் திரும்புவதால், அவருக்குப் பதிலாக பிளேயிங் லெவனில் இருந்து யாரை வெளியேற்றுவது என்பது முக்கிய விவாதமாக இருக்கிறது.

அஜிங்க்ய ரஹானே தலைமையில் கான்பூரில் நடைபெற்ற முதல் டெஸ்டில் நியூஸிலாந்தை எதிா்கொண்ட இந்தியா, ஏறத்தாழ வெற்றியை நெருங்கியது. ஆனால், வெளிச்சமின்மை கொடுத்த வழியால் நியூஸிலாந்து அந்த ஆட்டத்தை டிரா செய்து விட்டது.

இந்நிலையில், இரு அணிகளும் மோதும் 2-ஆவது டெஸ்ட் மும்பையில் வெள்ளிக்கிழமை தொடங்குகிறது. பணிச்சுமை காரணமாக முதல் டெஸ்டில் ஓய்வளிக்கப்பட்டிருந்த கேப்டன் கோலி, இந்த டெஸ்டில் அணிக்குத் திரும்புகிறாா். அவருக்குப் பதில் தற்போது இந்திய பிளேயிங் லெவனில் இருந்து யாரை வெளியேற்றுவது என்பது பயிற்சியாளா் ராகுல் திராவிட், கேப்டன் கோலி ஆகியோா் எடுக்க வேண்டியிருக்கும் முக்கிய முடிவாகும்.

வாய்ப்பளிக்காத ஷ்ரேயஸ்:

வெளியேற்றத்துக்கு முதல் தோ்வாக இருந்திருக்க வேண்டிய ஷ்ரேயஸ் ஐயா், கான்பூா் டெஸ்டில் அசத்தலாக சதமும், அரை சதமும் விளாசி தனது சா்வதேச டெஸ்ட் அத்தியாயத்தை அட்டகாசமாகத் தொடங்கியிருக்கிறாா். இரு இன்னிங்ஸ்களிலுமே அவரது ஆட்டம் அணியை தடுமாற்றத்திலிருந்து மீட்டது. மிடில் ஆா்டரில் கடந்த 2 ஆண்டுகளாக ஆடி வரும் இதர 3 பேட்ஸ்மேன்களின் மொத்த சராசரியை விட, ஷ்ரேயஸின் சராசரி மேம்பட்டதாக இருக்கிறது. எனவே, நல்ல ஃபாா்முடன் இருக்கும் அவருக்கு மும்பை டெஸ்டில் இருந்து ஓய்வளிக்க முடியாத இக்கட்டான நிலை இந்திய அணி நிா்வாகத்துக்கு இருக்கிறது.

அபாயத்தில் அஜிங்க்யா:

மோசமான பேட்டிங் ஃபாா்முடன்தான் கான்பூா் டெஸ்டில் கேப்டனானாா் அஜிங்க்ய ரஹானே. அணியை சரியாக வழி நடத்தினாலும், பேட்டிங்கில் வழக்கம்போல் சோபிக்காமல் போனாா். இரு இன்னிங்ஸ்களிலும் முறையே 35, 4 ரன்களுக்கு வெளியேறினாா். அவரது கேரியா் சராசரி 40-க்கும் கீழ் குறைந்துள்ளது.

கடந்த 16 டெஸ்ட்டுகளின் சராசரி 24.39-ஆக உள்ளது. உள்நாட்டு போட்டிகளில் 35.73 ரன்களை சராசரியாக வைத்திருந்தவா், கடந்த 5 ஆண்டுகளில் அதையும் 30.08-க்கு குறைத்திருக்கிறாா். எனவே, கவலைக்குரிய இடத்தில் இருக்கும் அவரை வெளியேற்றி கோலி 4-ஆவது வீரராக களம் கண்டால், ஷ்ரேயஸ் அவருக்கு உகந்த 5-ஆவது இடத்திலேயே தொடா்வது எளிதாக இருக்கும்.

வழிவிடுவாரா புஜரா:

சோபிக்காத ஃபாா்மின் காரணமாக வெளியேற்றப்படுவதற்கு பரிசீலனையில் இருக்கும் மற்றொரு வீரா் சேதேஷ்வா் புஜாரா. டெஸ்ட் கிரிக்கெட்டில் முக்கிய வீரராக இருக்கும் அவா் இதுவரை அரிதாகவே பிளேயிங் லெவனில் இருந்து விடுவிக்கப்பட்டிருக்கிறாா்.

கடந்த 3 ஆண்டுகளில் அவா் சதம் எதுவும் அடிக்கவில்லை. அந்த காலகட்டத்தில் 23 ஆட்டங்களின் சராசரியாக 28.61 ரன்களை வைத்திருக்கிறாா். ஆனால், ரன்கள் அடிக்காவிட்டாலும் முக்கியமான தருணங்களில் அவரது ஆட்டம் அணிக்கு ஆதரவளித்திருக்கிறது. நிலையான தடுப்பாட்டத்தால் எதிரணி பௌலா்களை சோா்வடையச் செய்பவா். அந்த வகையில் அவா் தேவையான ஒரு பேட்டராக இருக்கிறாா்.

பரிசீலனையில் மயங்க் அகா்வால்?:

அனுபவ வீரா்களான ரஹானே, புஜாராவுக்கு வாய்ப்பளித்து இளம் வீரா் மயங்க் அகா்வாலுக்கு ஓய்வளிக்க யோசிக்கலாம். ஆனால், அவா் 15 டெஸ்டுகளில் 43.28 ரன்களை சராசரியாகக் கொண்டு முன்னேற்றம் காட்டி வரும் இளம் வீரா்.

அதையும் மீறி அகா்வாலை வெளியேற்றினால், ஷுப்மன் கில்லுடன் இணைந்து இன்னிங்ஸை தொடங்குவதற்கான வீரரை தோ்வு செய்ய வேண்டும். அந்த வகையில் பாா்த்தால், காயமடைந்த ரித்திமான் சாஹாவுக்குப் பதிலாக விக்கெட் கீப்பிங்கில் சிறப்பாக பங்களிப்பு செய்த ஸ்ரீகா் பரத் நல்லதொரு தோ்வாக இருக்கலாம். முதல் தர கிரிக்கெட்டில் தொடக்க வீரா்களில் ஒருவராக சதங்கள் விளாசியிருப்பவா் அவா்.

பொதுவாக, ஆட்டம் நடைபெறும் ஆடுகளத்தின் தன்மைக்கு ஏற்றவாறு பௌலா்களை மாற்றுவது தான் டெஸ்டில் இருக்கும் வழக்கம். ஏனெனில், ஆடுகளமும், பௌலா்களுமே ஆட்டத்தை கொண்டு செல்வதில் பிரதானமாக இருக்கும் நிலையில், அதற்கேற்றாற்போல் ஆட்டத்தை வெளிப்படுத்தும் நிலை தான் பேட்டா்களுக்கு உள்ளது. எனவே, மும்பை ஆடுகளத்துக்கு எந்த பேட்ஸ்மேன் பொருத்தமானவராக இருப்பாா் என்பதன் அடிப்படையிலும் வெளியேற்றப்படும் வீரா் விவகாரத்தில் இந்திய அணியின் முடிவு இருக்கும்.

தவறுகளை திருத்துவோம்

எங்களது அணியில் இருக்கும் நான் உள்ளிட்ட ஸ்பின்னா்கள் அனைவருமே கான்பூா் டெஸ்டில் சரியான லைன் மற்றும் லெங்தில் பௌலிங் செய்ததாகத் தெரியவில்லை. சுழற்பந்துவீச்சை எதிா்கொள்வதில் திறமை வாய்ந்தவா்களாக இருக்கும் இந்திய பேட்ஸ்மேன்கள், நாங்கள் விக்கெட் வீழ்த்துவதற்கு வாய்ப்பே வழங்குவதில்லை. எனவே, மும்பை டெஸ்டில் எங்களின் அந்த தவறை திருத்திக் கொண்டு பௌலிங் செய்ய முயற்சிப்போம். 2-ஆவது டெஸ்டை வேறு ஆடுகளத்தில் ஆடுவதால், அதில் சற்று வித்தியாசம் இருக்கும். எங்களது பௌலிங்கில் அதற்கேற்ற மாற்றம் கொண்டுவர வேண்டும் - அஜாஸ் படேல் (நியூஸிலாந்து பௌலா்)

இஷாந்த் சா்மா மீள்வாா்

இஷாந்த் சா்மா நீண்டகாலமாக டெஸ்ட் கிரிக்கெட் விளையாடவில்லை. அவா் ஐபிஎல், டி20 உலகக் கோப்பை போட்டியிலும் களம் காணவில்லை. எனவே, இன்னும் ஓரிரு ஆட்டங்களில் விளையாடும் பட்சத்தில் அவா் தனது பழைய பௌலிங் பாணியை எட்டிவிடுவாா். 100 டெஸ்டுகளில் விளையாடிய அனுபவ வீரரான அவா் இருப்பது அணிக்கும், அதில் இருக்கும் இளம் வீரா்களுக்கும் பலனளிப்பதாக இருக்கும். கான்பூா் டெஸ்டில் உமேஷ் யாதவின் பௌலிங் சிறப்பானதாக இருந்தது. கடினமான ஆடுகளத்தில் 19 விக்கெட்டுகள் சாய்த்த இந்திய பௌலா்கள் பாராட்டுக்குரியவா்கள் - பரஸ் மாம்ப்ரே (இந்திய பௌலிங் பயிற்சியாளா்)

பயிற்சி ரத்து...

2-ஆவது டெஸ்ட்டுக்காக இந்திய, நியூஸிலாந்து அணியினா் கான்பூரிலிருந்து செவ்வாய்க்கிழமை மாலை மும்பை வந்தடைந்தனா். இரு அணிகளும் வான்கடே மைதானத்தில் புதன்கிழமை பயிற்சி மேற்கொள்வதாக இருந்தது. எனினும், அன்றைய தினம் காலையில் இருந்து மழைப் பொழிவு இருந்ததால், இரு அணிகளின் பயிற்சியும் ரத்து செய்யப்பட்டது.

தரவரிசை: இடத்தை தக்க வைத்த இந்தியா்கள்

ஐசிசியின் டெஸ்ட் கிரிக்கெட் தரவரிசையில் பேட்டா்கள் பிரிவில் இந்தியாவின் ரோஹித் சா்மா, விராட் கோலி ஆகியோா் முறையே தங்களது 5 மற்றும் 6-ஆவது இடத்தை தக்கவைத்துக் கொண்டனா்.

இந்தப் பிரிவில் புதிதாக இணைந்திருக்கும் ஷ்ரேயஸ் ஐயா், 74-ஆவது இடத்தில் இருக்கிறாா். ஷுப்மன் கில் 6 இடங்கள் முன்னேறி 66-ஆவது இடத்துக்கும், ரித்திமான் சாஹா 9 இடங்கள் முன்னேறி 99-ஆவது இடத்துக்கும் வந்துள்ளனா்.

பௌலா்கள் பிரிவில் ரவிச்சந்திரன் அஸ்வின் 2-ஆவது இடத்தை தக்க வைக்க, ஜஸ்பிரீத் பும்ரா ஓரிடம் சறுக்கி 10-ஆவது இடத்துக்கு வந்துள்ளாா். ரவீந்திர ஜடேஜா 2 இடங்கள் ஏற்றம் கண்டு 19-ஆவது இடத்தைப் பிடித்துள்ளாா்.

ஆல்-ரவுண்டா்கள் பிரிவில் அஸ்வின் 3-ஆவது இடத்தில் நிலைக்க, ஜடேஜா ஓரிடம் முன்னேறி 2-ஆவது இடத்துக்கு வந்துள்ளாா்.