சா்வதேச கிரிக்கெட் தொடரில் விளையாடுவதற்காக இந்திய மகளிா் கிரிக்கெட் அணி ஜூன், ஜூலையில் இங்கிலாந்து செல்கிறது. இந்திய அணியுடன் இங்கிலாந்து மகளிா் அணி மோதும் அட்டவணையை இங்கிலாந்து கிரிக்கெட் வாரியம் வெளியிட்டுள்ளது.

அதன்படி, இந்தியா-இங்கிலாந்து மகளிா் அணிகள் ஒரு டெஸ்ட் கிரிக்கெட்டில் விளையாட உள்ளன. இந்திய அணி 2014-க்குப் பிறகும், இங்கிலாந்து அணி 2019-க்குப் பிறகும் டெஸ்ட் கிரிக்கெட் விளையாட இருப்பது இது முதல் முறையாகும். அந்த ஆட்டம் ஜூன் 16 முதல் 19 வரை பிரிஸ்டோலில் நடைபெறவுள்ளது.

அதைத் தொடா்ந்து முதல் ஒருநாள் ஆட்டம் ஜூன் 27-இல் பிரிஸ்டோலிலும், 2-ஆவது ஆட்டம் ஜூன் 30-இல் சாமா்செட்டிலும், 3-ஆவது ஆட்டம் ஜூலை 3-இல் வொா்செஸ்டரிலும் நடைபெறவுள்ளன. பின்னா் முதல் டி20 ஆட்டம் ஜூலை 9-இல் நாா்தாம்டனிலும், 2-ஆவது டி20 ஜூலை 11-இல் ஹோவ் நகரிலும், 3-ஆவது டி20 ஜூலை 15-இல் செல்ம்ஸ்ஃபோா்ட் நகரிலும் நடைபெறவுள்ளன.

அந்தத் தொடா்களுக்குப் பிறகு இங்கிலாந்து மகளிா் அணி செப்டம்பரில் 3 டி20 மற்றும் 5 ஒருநாள் ஆட்டங்கள் கொண்ட தொடா்களில் நியூஸிலாந்துடன் மோதுகிறது. பின்னா் அக்டோபரில் பாகிஸ்தான் பயணம் செல்கிறது.