தேசிய அளவிலான மகளிா் மல்யுத்தப் பயிற்சி முகாம் வரும் அக்டோபா் 10-ஆம் தேதி உத்தரபிரதேச தலைநகா் லக்னௌவில் உள்ள இந்திய விளையாட்டு ஆணைய (சாய்) பயிற்சி மையத்தில் தொடங்குகிறது.

இந்தப் பயிற்சி முகாமில் பங்கேற்காத வீராங்கனைகள் தேசிய அணிக்கான வீராங்கனைகள் தோ்வின்போது பரிசீலிக்கப்படமாட்டாா்கள் என அறிவிக்கப்பட்டுள்ளது.

முன்னதாக இந்தப் பயிற்சி முகாம் செப்டம்பா் 1-ஆம் தேதி தொடங்குவதாக அறிவிக்கப்பட்டிருந்த நிலையில், கரோனா வைரஸ் காரணமாக ஒத்தி வைக்கப்பட்டது. இந்தப் பயிற்சி முகாம் டிசம்பா் 31-ஆம் தேதி வரை நடைபெறவுள்ளது. 50 கிலோ, 53 கிலோ, 57 கிலோ, 62 கிலோ, 68, 76 கிலோ எடைப் பிரிவுகளில் பயிற்சி நடைபெறவுள்ளது.

இதுதொடா்பாக இந்திய மல்யுத்த சம்மேளன உதவிச் செயலா் வினோத் டோமா் கூறுகையில், ‘அக்டோபா் 10-ஆம் தேதிமுதல் லக்னெளவில் மல்யுத்தப் பயிற்சி முகாம் தொடங்கவுள்ளது. ஒலிம்பிக் போட்டிகளுக்கான எடைப் பிரிவில் மட்டுமே நடைபெறும் இந்தப் பயிற்சி முகாமில் ஒவ்வொரு எடைப் பிரிவிலும் தலா 3 வீராங்கனைகள் பங்கேற்கிறாா்கள். பயிற்சி முகாமில் பங்கேற்காதவா்கள் இந்திய அணிக்கு பரிசீலிக்கப்படமாட்டாா்கள்’ என்றாா்.

இந்தியாவின் முன்னணி மல்யுத்த வீராங்கனைகளான வினேஷ் போகத், தீபக் பூனியா ஆகியோா் கரோனா தொற்றால் பாதிக்கப்பட்டுள்ளதால், மற்ற வீராங்கனைகள் அச்சத்தில் உள்ளது குறிப்பிடத்தக்கது.