இந்திய அணி வெற்றி பெற தோனி போன்ற ஒரு வீரர் தேவை என முன்னாள் வீரரும் கிரிக்கெட் நிபுணருமான மைக்கேல் ஹோல்டிங் கூறியுள்ளார்.

இந்தியாவுக்கு எதிரான முதல் ஒரு நாள் கிரிக்கெட் ஆட்டத்தில் ஆஸ்திரேலியா 66 ரன்கள் வித்தியாசத்தில் வெற்றி பெற்றது.

முதலில் பேட் செய்த ஆஸ்திரேலியா 50 ஓவா்களில் 6 விக்கெட் இழப்புக்கு 374 ரன்கள் குவித்தது. பின்னா் ஆடிய இந்தியா 50 ஓவா்களில் 8 விக்கெட் இழப்புக்கு 308 ரன்கள் சோ்த்து தோல்வி கண்டது.

இதையடுத்து முன்னாள் வீரரும் கிரிக்கெட் நிபுணருமான மைக்கேல் ஹோல்டிங், நேற்றைய ஆட்டம் பற்றி தன்னுடைய யூடியூப் சேனலில் கூறியதாவது:

இந்திய அணியில் திறமையான வீரர்கள் உள்ளார்கள். ஆனால் தோனி இல்லாமல் கோலியின் அணி தடுமாறும் என எனக்குத் தெரியும். இன்னிங்ஸின் நடுவில் களமிறங்கும் தோனி இலக்கை விரட்டும்போது ஆட்டத்தைத் தன் கட்டுப்பாட்டில் வைத்திருப்பார். தோனி அணியில் இருக்கும்போது மிகச்சிறப்பாக இலக்குகளை இந்திய அணி விரட்டியுள்ளது. டாஸ் வென்று எதிரணியை முதலில் பேட்டிங் செய்யச் சொல்வதற்கு இந்திய அணி அஞ்சியதே இல்லை. ஏனெனில் தோனியால் என்ன செய்ய முடியும் என்பதை அறிந்து வைத்திருந்தார்கள். தற்போது இந்திய அணியில் திறமையான பேட்ஸ்மேன்கள் உள்ளார்கள். எனினும் தோனி போன்ற ஒரு வீரர் இந்திய அணிக்குத் தேவை. தோனியின் ஆட்டத்திறனை மட்டும் கொண்டிராமல் அவருடைய மனவலிமையும் அந்த வீரருக்கு இருக்கவேண்டும் என்றார்.