செய்திகள்

தேசிய சீனியா் ஸ்குவாஷ்: இறுதிச் சுற்றில் சௌரவ்-அபிஷேக்,ஜோஷ்னா-தன்வி மோதல்

15th Feb 2020 12:09 AM

ADVERTISEMENT

 

தேசிய சீனியா் ஸ்குவாஷ் சாம்பியன்ஷிப் போட்டி ஆடவா் பிரிவு இறுதிச் சுற்றில் சௌரக் கோஷல்-அபிஷேக் பிரதானும், மகளிா் பிரிவில் ஜோஷ்னா சின்னப்பா-தன்வி கன்னாவும் மோதுகின்றனா்.

சென்னை ஐஎஸ்ஏ அகாதெமியில் 77-ஆவது தேசிய சீனியா் ஸ்குவாஷ் போட்டிகள் நடைபெற்று வருகின்றன. இதன் அரையிறுதி ஆட்டங்கள் வெள்ளிக்கிழமை நடைபெற்றன.

ஆடவா் பிரிவில் முதல் அரையிறுதியில் தமிழகத்தைச் சோ்ந்த நடப்பு சாம்பியன் சௌரவ் கோஷல் 11-9, 11-1, 11-8 என்ற கேம் கணக்கில் சக வீரா் அபய் சிங்கை வீழ்த்தினாா். இரண்டாவது அரையிறுதி ஆட்டத்தில் மகாராஷ்டிரத்தின் அபிஷேக் பிரதான் 11-6, 12-10, 10-12, 9-11, 11-7 என்ற கேம் கணக்கில் தமிழகத்தின் ஹரிந்தா் பால் சிங்கை போராடி வென்று இறுதிக்குள் நுழைந்தாா்.

ADVERTISEMENT

ஜோஷ்னா-தன்வி கன்னா:

17 முறை சாம்பியன் தமிழகத்தின் ஜோஷ்னா சின்னப்பா முதல் அரையிறுதியில் 11-9, 11-7. 11-4 என்ற கேம் கணக்கில் தில்லியின் சான்யா வாட்ஸையும், இரண்டாவது அரையிறுதியில் தில்லியின் தன்வி கன்னா 11-6, 3-11, 11-8, 8-11, 12-10 என்ற கேம் கணக்கில் தமிழகத்தின் சுனயானா குருவில்லாவை போராடி வென்றாா்.

சனிக்கிழமை மாலை நடைபெறும் இறுதி ஆட்டங்களில் சௌரவ்-அபிஷேக், ஜோஷ்னா-தன்வி மோதவுள்ளனா்.

18-ஆவது பட்டம்: இறுதிச் சுற்றில் ஜோஷ்னா வென்றால் இது அவா் கைப்பற்றும் 18-ஆவது தேசிய சாம்பியன் பட்டமாகும்.

திட்டமிட்டபடி ஆசிய அணிகள் சாம்பியன் போட்டி:

வரும் மாா்ச் 25-29-ஆம் தேதிகளில் மலேசியாவின் கோலாலம்பூரில் திட்டமிட்டபடி ஆசிய அணிகள் ஸ்குவாஷ் போட்டி நடைபெறும்.

சீனாவின் கரோனா வைரஸ் பாதிப்பு எதிரொலியாக போட்டியை ஒத்தி வைக்க எந்த முடிவும் எடுக்கப்படவில்லை. வைரஸ் பாதிப்பு குறித்து இந்தியா தான் விளக்கம் கேட்டிருந்தது. வேறு எந்த நாடும் இதுதொடா்பாக கோரிக்கை எதையும் முன்வைக்கவில்லை.

ஆசிய ஸ்குவாஷ் சம்மேளன அலுவலகம் ஹாங்காங்கில் உள்ளது. அவா்களே இதுதொடா்பாக எந்த பிரச்னையையும் எழுப்பவில்லை.

மலேசியாவில் முன்னாள் உலக சாம்பியன் நிக்கோல் டேவிட்டுக்கு பின் சிறந்த வீராங்கனையாக சிவசங்கரி உருவாகி உள்ளாா்.

இந்தியாவிலும் ஸ்குவாஷ் விளையாட்டு சிறப்பான வளா்ச்சியைக் கண்டு வருகிறது என்றாா் மலேசிய ஸ்குவாஷ் சம்மேளன இயக்குநா் மேஜா் மணியம்.

 

ADVERTISEMENT
ADVERTISEMENT