சனிக்கிழமை 24 ஆகஸ்ட் 2019

சாதனையை நெருங்கிவிட்ட குல்தீப் யாதவ்: சோதனைகளைக் கடந்து சாதிப்பாரா?

By எழில்| DIN | Published: 14th August 2019 10:55 AM

 

குறைந்த ஆட்டங்களில் 100 விக்கெட்டுகள் எடுத்த இந்திய வீரர் என்கிற பெருமையைத் தக்கவைத்துக்கொண்டிருப்பவர், முகமது ஷமி. 56 ஆட்டங்களில் அவர் 100 விக்கெட்டுகளை வீழ்த்தி சாதனை படைத்தார். பும்ரா ஒரு ஆட்டம் அதிகமாக விளையாடி இந்த இலக்கை அடைந்துள்ளார். உலகளவில் 44 ஆட்டங்களில் 100 விக்கெட்டுகள் எடுத்து முதலிடத்தில் உள்ளார் ரஷித் கான். 

முகமது ஷமியின் சாதனையை நெருங்கிவிட்டார் 24 வயது சுழற்பந்துவீச்சாளர் குல்தீப் யாதவ். 53 ஒருநாள் ஆட்டங்களில் 96 விக்கெட்டுகளை எடுத்துள்ளார். இன்னும் இரு ஆட்டங்களில் நான்கு விக்கெட்டுகள் எடுத்தால் ஷமியின் சாதனையைத் தாண்டிவிடுவார். ஆனால் சமீபகாலமாக அவருடைய பந்துவீச்சின் தாக்கம் மிகவும் குறைந்துவிட்டது.

முதல் 33 ஆட்டங்களில் 67 விக்கெட்டுகள் எடுத்து அசத்திய குல்தீப், கடைசி 20 ஒருநாள் ஆட்டங்களில் 29 விக்கெட்டுகள் மட்டுமே எடுத்துள்ளார். 

உலகக் கோப்பைப் போட்டியில் 7 ஆட்டங்களில் 6 விக்கெட்டுகள் மட்டுமே எடுத்து ரசிகர்களை ஏமாற்றினார். மே.இ. தீவுகள் அணிக்கு எதிரான ஒருநாள் தொடரில் 2 ஆட்டங்களில் மூன்று விக்கெட்டுகள் எடுத்துள்ளார். இதில் ஒரு ஆட்டம் மழையால் பாதிக்கப்பட்டது. இந்நிலையில் இன்று நடைபெறவுள்ள 3-வது ஆட்டத்தில் குல்தீப் யாதவின் பந்துவீச்சை ரசிகர்கள் மிகவும் கவனிப்பார்கள். இது குல்தீப்புக்குப் புதிய சவாலாக இருக்கும். 

சோதனைகளைக் கடந்து சாதிப்பாரா குல்தீப் யாதவ்?

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!
Tags : Kuldeep Yadav 100 ODI wickets

More from the section

உலக பாட்மிண்டன் சாம்பியன்ஷிப்: அரையிறுதியில் இந்தியாவின் சாய் பிரணீத் தோல்வி!
தங்கம் வெல்வாரா?: உலக பாட்மிண்டன் சாம்பியன்ஷிப் இறுதிச்சுற்றுக்குத் தகுதி பெற்றார் பி.வி. சிந்து
அதிவேக 50 விக்கெட்டுகள்: பும்ரா புதிய சாதனை!
மீண்டும் கிரிக்கெட் விளையாட விரும்பும் அம்பத்தி ராயுடு!
10 ஆண்டுகளுக்கு பின் மீண்டும் யு.எஸ். ஓபன் வெல்ல வாய்ப்புள்ளது: ரோஜர் ஃபெடரர்