இந்தியாவுக்கு எதிராக நடக்கவுள்ள டெஸ்ட் தொடரில் மே.இ.தீவுகள் அணியில் புதிதாக ஆப் ஸ்பின்னர் ரகீம் கார்ன்வால் சேர்க்கப்பட்டுள்ளார்.
உலக டெஸ்ட் சாம்பியன்ஷிப்பின் ஒரு பகுதியாக 2 டெஸ்ட் ஆட்டங்கள் கொண்ட தொடர் வரும் 22-ஆம் தேதி தொடங்குகிறது. இதற்கான மே.இ,தீவுகள் அணியை அதன் தேர்வுக் குழுத் தலைவர் ராபர்ட் ஹெயின்ஸ் அறிவித்தார்.
26 வயது ஆல்ரவுண்டரான கார்ன்வால், உள்ளூர் சாம்பியன் போட்டி, மே.இ.தீவுகள் ஏ அணியில் சிறப்பாக ஆடியதால் தேசிய அணியில் இடம் பிடித்துள்ளார். கூடுதல் பவுன்ஸ், சுழற்சியுடன் சிறப்பாக பந்துவீசுவார் ரகீம் என ராபர்ட் தெரிவித்துள்ளார். மேலும் கீமோ பால் சேர்க்கப்பட்டுள்ளார்.
அணி விவரம்: ஜேஸன் ஹோல்டர் (கேப்டன்), கிரெய்க் பிராத்வெயிட், டேரன் பிராவோ, ஷமார்க் புருக்ஸ், ஜான் கேம்பல், ராஸ்டன் சேஸ், ரகீம் கார்ன்வால், ஷேன் டெளரிச், ஷனான் கேப்ரியேல், ஷிம்ரன் ஹெட்மயர், ஷாய் ஹோப், கீமோ பால், கெமர் ரோச்.