சாம்பியன்ஸ் லீக் கால்பந்து போட்டி அரையிறுதிக்கு லிவர்பூல், அஜாக்ஸ், டாட்டான்ஹாம், பார்சிலோனா, உள்ளிட்ட அணிகள் தகுதி பெற்றுள்ளன.
இத்தாலியின் டூரின் நகரில் சீரி ஏ சாம்பியன் ஜுவென்டஸ் அணிக்கும், நெதர்லாந்தின் அஜாக்ஸ் அணிக்கு இடையே புதன்கிழமை இரவு இரண்டாம் கட்ட காலிறுதி ஆட்டம் நடைபெற்றது.
இதில் 2-1 என்ற கோல் கணக்கில் ஜுவென்டஸை அதிர்ச்சித் தோல்வியுறச் செய்து அரையிறுதிக்கு தகுதி பெற்றது அஜாக்ஸ். கடந்த 1997-க்கு பின் முதன்முறையாக சாம்பியன்ஸ் லீக் அரையிறுதிக்கு முன்னேறியுள்ளது அஜாக்ஸ். முதல் கட்டகாலிறுதி 1-1 என டிராவில் முடிந்தது. நட்சத்திர வீரர் ரொனால்டோ இருந்த நிலையிலும் ஜுவென்டஸால் வெற்றிபெற முடியவில்லை.
லிவர்பூல் அபாரம்: ப்ரீமியர் லீக் அணியான லிவர்பூல் அணி-எஃப்சி போர்டோ அணிகள் இடையே நடைபெற்ற காலிறுதி ஆட்டத்தில் 4-1 என்ற கோல் சராசரி அடிப்படையில் வென்று லிவர்பூல் அரையிறுதிக்கு முன்னேறியது. ஸ்பெயின் சாம்பியன் பார்சிலோனா அணியுடன் மோதுகிறது லிவர்பூல்.
டாட்டன்ஹாம் வெற்றி: லண்டன் எதிஹாட் மைதானத்தில் நடைபெற்ற மற்றொரு காலிறுதி ஆட்டத்தில் டாட்டன்ஹாம் அணி 4-3 என்ற கோல் சராசரி அடிப்படையில் மான்செஸ்டர் சிட்டியை வீழ்த்தி அரையிறுதிக்கு தகுதி பெற்றது.
பார்சிலோனா அதிரடி: கேம்ப் நெளவில் நடைபெற்ற மற்றொரு காலிறுதி ஆட்டத்தில் வலுவான பார்சிலோனா 3-0 என்ற கோல் கணக்கில் மான்செஸ்டர் யுனைடெட் அணியை வீழ்த்தி அரையிறுதிக்கு தகுதி பெற்றது. அரையிறுதிச் சுற்றில் டாட்டன்ஹாம்-அஜாக்ஸ் அணிகளும், பார்சிலோனா-லிவர்பூல் அணிகளும் மோதுகின்றன.