வில்வித்தை கலப்பு இணை பிரிவில் இந்தியாவின் பிரவீண் ஜாதவ்/தீபிகா குமாரி இணை முதலில் தனது வெளியேற்றும் சுற்றில் சீன தைபேவின் சுன் டாங் சி/என் சியா லின் இணையை எதிா்கொண்டது. அதில் முதலில் சற்று தடுமாறினாலும் பிறகு 5-3 என்ற புள்ளிகள் கணக்கில் வென்றது. அடுத்து நடைபெற்ற காலிறுதியில் பிரவீண்/தீபிகா இணை 2-6 என்ற புள்ளிகள் கணக்கில் தென் கொரியாவின் ஜே டோக் கிம்/சான் ஆன் இணையிடம் தோல்வி கண்டது.

இறுதியில், தென் கொரியாவின் ஜே டோக் கிம்/சான் ஆன் இணையே தங்கம் வென்றது. நெதா்லாந்தின் ஸ்டீவ் விஜ்லா்/கேப்ரியேலா ஷ்லோசா் இணை வெள்ளியும், மெக்ஸிகோவின் லூயிஸ் அல்வாரெஸ்/அலெக்ஸாண்ட்ரா வாலென்சியா இணை வெண்கலமும் வென்றன.

முன்னதாக கலப்பு இணை பிரிவில் தீபிகாவும் அவரது கணவா் அதானு தாஸும் பங்கேற்கலாம் எனத் தெரிந்தது. கடந்த மாதம் பாரீஸ் உலகக் கோப்பை போட்டியில் இந்த இணை தங்கம் வென்றிருந்தது. எனினும் டோக்கியோ ஒலிம்பிக் ரேங்கிங் சுற்று முடிவில் அதானு தாஸை விட பிரவீண் ஜாதவ் முன்னிலையில் இருந்ததால் கலப்பு இணை பிரிவில் தீபிகாவுடன் பிரவீணை களமிறக்க முடிவெடுக்கப்பட்டது. இப்பிரிவின் ஆட்டம் தொடங்கும் முன் இணையை மாற்றுவதற்காக அணிகளுக்கு நேரம் வழங்கப்பட்டபோதும் அணி நிா்வாகம் தனது முடிவில் உறுதியாக இருந்தது.

ஆனால், எதிா்பாா்த்த பலனை அந்த இணை வழங்கவில்லை. இதனால் இணை மாற்ற முடிவு பலத்த விமா்சனத்துக்குள்ளாகியிருக்கிறது. ஆனாலும், அணி நிா்வாகம் அதற்கு மறுப்பு தெரிவித்துள்ளது. கலப்பு இணை பிரிவில் தனது கணவருடன் சோ்ந்த விளையாட முடியாமல் போனதற்காக தீபிகா குமாரி ஏமாற்றம் தெரிவித்துள்ளாா். தீபிகா/அதானு இடையேயான புரிதல் நன்றாக இருக்கும் நிலையில் கடைசி நேரத்தில் இணையை மாற்றியது போட்டி முடிவில் தாக்கத்தை ஏற்படுத்தியதாக இந்திய வில்வித்தை முன்னாள் பயிற்சியாளா் ஒருவா் தெரிவித்தாா். ஆட்டத்தின்போது தீபிகா தனது இணையுடன் கலந்தாலோசனையில் ஈடுபடாததில் இருந்தே அவரது அதிருப்தி தெரிந்ததாக அவா் தெரிவித்தாா்.

வில்வித்தையில் ஆடவா் அணிகள் மற்றும் தனிநபா் பிரிவில் இந்தியா அடுத்த வாரம் களம் காண்கிறது.