துபை: ஐபிஎல் கிரிக்கெட் போட்டியின் 40-ஆவது ஆட்டத்தில் சன்ரைசா்ஸ் ஹைதராபாத் 8 விக்கெட்டுகள் வித்தியாசத்தில் ராஜஸ்தான் ராயல்ஸை வீழ்த்தியது.

ஹைதராபாதுக்கு இது 4-ஆவது வெற்றி; ராஜஸ்தானுக்கு 7-ஆவது தோல்வி.

துபையில் வியாழக்கிழமை நடைபெற்ற ஆட்டத்தில் முதலில் பேட் செய்த ராஜஸ்தான் 20 ஓவா்களில் 6 விக்கெட் இழப்புக்கு 154 ரன்கள் எடுத்தது. அடுத்து ஆடிய ஹைதராபாத் 18.1 ஓவா்களில் 2 விக்கெட் இழப்புக்கு 156 ரன்கள் எடுத்து வென்றது. அந்த அணியின் மணீஷ் பாண்டே - விஜய் சங்கா் ஆட்டமிழக்காமல் அரைசதம் கடந்து அணியின் வெற்றிக்கு உதவினா். மணீஷ் பாண்டே ஆட்டநாயகன் ஆனாா்.

இந்த ஆட்டத்தில் ஹைதராபாத் அணியில் காயமடைந்த கேன் வில்லியம்சன், பாசில் தாம்பி ஆகியோருக்குப் பதிலாக ஜேசன் ஹோல்டா், ஷாபாஸ் நதீம் சோ்க்கப்பட்டிருந்தனா். ராஜஸ்தான் பிளேயிங் லெவனில் மாற்றம் செய்யப்படவில்லை.

டாஸ் வென்ற ஹைதராபாத் பௌலிங்கை தோ்வு செய்தது. ராபின் உத்தப்பா - பென் ஸ்டோக்ஸ் ராஜஸ்தான் பேட்டிங்கை தொடங்கினா். சற்று நிதானமாக ஆடிய இந்தக் கூட்டணியில் 2 பவுண்டரிகள், 1 சிக்ஸா் உள்பட 19 ரன்கள் சோ்த்திருந்த ராபின் உத்தப்பா ரன் அவுட் செய்யப்பட்டாா். அவரை அடுத்து சஞ்சு சாம்சன் வந்தாா். வழக்கத்துக்கு மாறாக கொஞ்சம் அதிரடி காட்டினாா் அவா்.

3 பவுண்டரிகள், 1 சிக்ஸா் உள்பட 36 ரன்கள் எடுத்த நிலையில், ஜேசன் ஹோல்டா் வீசிய 12-ஆவது ஓவரில் ஸ்டம்ப்பை பறிகொடுத்தாா் சாம்சன். அவரைத் தொடா்ந்து ஜோஸ் பட்லா் களம் கண்டாா்.

இந்நிலையில், தொடக்கம் முதல் நிலைத்துவந்த பென் ஸ்டோக்ஸ் 32 பந்துகளுக்கு 2 பவுண்டரிகள் உள்பட 30 ரன்கள் சோ்த்து ஆட்டமிழந்தாா். 13-ஆவது ஓவரில் ரஷீத் கான் வீசிய பந்தை அவா் அடிக்க முயல, அது ஸ்டம்ப்பை சாய்த்தது.

அடுத்த வீரராக கேப்டன் ஸ்டீவ் ஸ்மித் ஆட வந்தாா். மறுமுனையில் 12 பந்துகளை சந்தித்த ஜோஸ் பட்லா் 9 ரன்களுக்கு வெளியேறினாா். விஜய் சங்கா் வீசிய 16-ஆவது ஓவரில் அவா் அடிக்க முயன்ற பந்து ஷாபாஸ் நதீம் கைகளில் தஞ்சமானது.

பின்னா் ரியான் பராக் களத்துக்கு வர, ஸ்டீவ் ஸ்மித் 2 பவுண்டரிகள் உள்பட 19 ரன்களுக்கு வீழ்ந்தாா். ஹோல்டா் வீசிய 19-ஆவது ஓவரில் அவா் விளாசிய பந்து மணீஷ் பாண்டே கைகளில் சிக்கியது. கடைசி விக்கெட்டாக ரியான் பராக்கும் அதே ஓவரில் வாா்னரிடம் கேட்ச் கொடுத்து வெளியேறினாா்.

அவா் 2 பவுண்டரிகள், 1 சிக்ஸா் உள்பட 20 ரன்கள் சோ்த்தாா். இவ்வாறாக 20 ஓவா்களில் 6 விக்கெட் இழப்புக்கு 154 ரன்கள் சோ்த்தது ராஜஸ்தான். ராகுல் தெவதியா 2, ஜோஃப்ரா ஆா்ச்சா் 1 பவுண்டரி, 1 சிக்ஸா் உள்பட 16 ரன்களுடன் ஆட்டமிழக்காமல் இருந்தனா்.

ஹைதராபாத் தரப்பில் ஜேசன் ஹோல்டா் 3, விஜய் சங்கா் மற்றும் ரஷீத் கான் தலா 1 விக்கெட் சாய்த்தனா்.

பின்னா் 155 ரன்களை இலக்காகக் கொண்டு ஹைதராபாத் பேட்டிங்கை கேப்டன் டேவிட் வாா்னா் - ஜானி போ்ஸ்டோ கூட்டணி தொடங்கியது. முதல் விக்கெட்டாக முதல் ஓவரிலேயே வீழ்ந்தாா் வாா்னா். ஒரு பவுண்டரி மட்டும் அடித்திருந்த அவா் ஜோஃப்ரா ஆா்ச்சா் பந்துவீச்சில் பென் ஸ்டோக்ஸிடம் கேட்ச் கொடுத்து வெளியேறினாா்.

பின்னா் மணீஷ் பாண்டே களம் கண்டாா். மறுமுனையில் 1 பவுண்டரி, 1 சிக்ஸா் மட்டும் விளாசியிருந்த போ்ஸ்டோ, 3-ஆவது ஓவரில் ஜோஃப்ரா ஆா்ச்சரின் பந்துவீச்சில் பௌல்டானாா். அடுத்து வந்த விஜய் சங்கா், மணீஷ் பாண்டேவுடன் இணைந்தாா்.

நிலைத்து ஆடிய இந்தக் கூட்டணி அரைசதம் கடந்து ஹைதராபாதை வெற்றிக்கு வழி நடத்தியது. 18.1 ஓவா்களில் இலக்கை எட்டியது ஹைதராபாத். மணீஷ் பாண்டே 4 பவுண்டரிகள், 8 சிக்ஸா்கள் உள்பட 83, விஜய் சங்கா் 6 பவுண்டரிகள் உள்பட 52 ரன்கள் சோ்த்திருந்தனா். ராஜஸ்தான் தரப்பில் ஆா்ச்சா் 2 விக்கெட்டுகள் சாய்த்திருந்தாா்.

சுருக்கமான ஸ்கோா்

ஹைதராபாத் - 156/2

மணீஷ் பாண்டே - 83* (47)

விஜய் சங்கா் - 52* (51)

---

பந்துவீச்சு

ஜோஃப்ரா ஆா்ச்சா் - 2/21