ஐபிஎல் போட்டியின் பலமான அணிகளில் ஒன்றான சென்னை சூப்பர் கிங்ஸ், இன்று தனது 200-வது டி20 ஆட்டத்தை விளையாடவுள்ளது.

இந்த வருட ஐபிஎல் போட்டி சிஎஸ்கே அணிக்குச் சாதகமாக அமையவில்லை. இதுவரை விளையாடிய 10 ஆட்டங்களில் 7-ல் தோல்வியடைந்துள்ளது. எனினும் மீதமுள்ள 4 ஆட்டங்களில் விளையாடினால் பிளேஆஃப் வாய்ப்பு கிடைக்கலாம்.

ஐபிஎல் அணிகளில் சிஎஸ்கேவுக்கு நிகராக இன்னொரு அணியைக் கூற முடியாது. இதுவரை பங்கேற்ற 10 ஐபிஎல் போட்டிகளிலும் பிளேஆஃப்புக்குத் தகுதி பெற்றுள்ளது.  இந்தச் சாதனை வெறெந்த ஐபிஎல் அணிக்கும் கிடையாது. மூன்று முறை ஐபிஎல் கோப்பையை வென்றுள்ளது.

இந்நிலையில் ஷார்ஜாவில் இன்று நடைபெறவுள்ள மும்பை - சிஎஸ்கே ஆட்டம், சிஎஸ்கே அணி விளையாடும் 200-வது டி20 ஆட்டமாகும். இதுவரை விளையாடிய 199 ஆட்டங்களில் 118-ல் சிஎஸ்கே வெற்றியடைந்துள்ளது. 

ஆர்சிபி, கொல்கத்தா நைட்ரைடர்ஸ், மும்பை இந்தியன்ஸ் ஆகிய அணிகள் ஏற்கெனவே 200 டி20 ஆட்டங்களில் விளையாடியுள்ளன. இவற்றில் மும்பை அணி அதிகபட்சமாக 126 ஆட்டங்களில் வென்றுள்ளது.

இன்று தனது 200-வது டி20 ஆட்டத்தை வென்று ரசிகர்களை சிஎஸ்கே அணி உற்சாகப்படுத்த வேண்டும்.