புதன்கிழமை 19 ஜூன் 2019

உலகக் கோப்பைப் போட்டியில் விளையாட முடியவில்லையே!: வருந்தும் முன்னணி ஆஸி. வேகப்பந்துவீச்சாளர்

By எழில்| DIN | Published: 12th June 2019 02:18 PM

 

வெள்ளிக்கிழமை முதல் ஆஸ்திரேலிய ஏ அணி, இங்கிலாந்துக்குச் சென்று ஏழு வாரம் விளையாடவுள்ளது. இந்த அணியில் முன்னணி ஆஸி. வேகப்பந்துவீச்சாளர் ஜோஸ் ஹேஸில்வுட்டும் இடம்பெற்றுள்ளார்.

பிறகு ஏன் அவர் உலகக் கோப்பைப் போட்டியில் இடம்பெறவில்லை என்கிற கேள்வி உங்களுக்குத் தோன்றும். 

ஜனவரி மாதம் அவருக்கு முதுகு வலி ஏற்பட்டது. இதையடுத்து உலகக் கோப்பைப் போட்டிக்கான உடற்தகுதி இல்லையென அவரை தேர்வு செய்யவில்லை கிரிக்கெட் ஆஸ்திரேலியா. ஆனால் தற்போது நல்ல உடற்தகுதியுடன் இருக்கும் ஹேஸில்வுட், ஆஸ்திரேலிய ஏ அணி சார்பாக உலகக் கோப்பைப் போட்டி நடைபெறும் அதே இங்கிலாந்துக்குச் செல்லவுள்ளார்.

தன்னுடைய நிலைமை குறித்து கிரிக்கெட் ஆஸ்திரேலியா இணையத்தளத்துக்கு அவர் கூறியதாவது:

நான் இப்போது செய்யும் வேலையில் மட்டுமே கவனம் செலுத்த ஆசைப்படுகிறேன். இன்று இரவு ஆஸ்திரேலியா விளையாடும் ஆட்டத்தில் சில ஓவர்கள் பார்ப்பேன். உலகக் கோப்பைப் போட்டியைப் பார்க்க பார்க்க நான் அதை மிகவும் தவறவிடுவதாக உணர்கிறேன். இந்தப் போட்டி நான்கு வருடங்களுக்கு ஒருமுறை தான் வரும். இந்தச் சமயத்தில் எனக்குக் காயம் ஏற்பட்டுவிட்டது. அதுதான் மிகவும் கடுப்பேற்றுகிறது. அதேசமயம் தற்போது அந்தப் போட்டி நடைபெறும்போது நான் நல்ல உடற்தகுதியுடன் இருக்கிறேன். இது இன்னும் சோதிக்கிறது. இப்போது நல்ல நிலைமையில், புத்துணர்ச்சியுடன் இருப்பதால் ஆஷஸ் போட்டியை எதிர்கொள்ள மிகவும் ஆவலாக உள்ளேன் என்று கூறியுள்ளார். 

ஆஷஸ் தொடர், ஆகஸ்ட் 1 முதல் தொடங்கவுள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!
Tags : world cup Josh Hazlewood australia australia circketer Aussie reject Hazlewood Australia Reject Josh Hazlewood

More from the section

உலகக் கோப்பைப் போட்டியிலிருந்து ஷிகர் தவன் விலகல்: பிசிசிஐ அதிகாரபூர்வ அறிவிப்பு!
உலகக் கோப்பைப் போட்டியிலிருந்து ஷிகர் தவன் விலகல்: ஐஏஎன்எஸ் தகவல்!
உலகக் கோப்பை: நியூஸிலாந்துக்கு எதிராக தென் ஆப்பிரிக்கா முதலில் பேட்டிங்!
உலகக் கோப்பை: விராட் கோலியுடன் இணைந்து லண்டனைச் சுற்றிப் பார்த்த அனுஷ்கா சர்மா!
அதிக ரன்கள் கொடுத்த ரஷித் கானை நக்கலடித்த கிரிக்கெட் வாரியம்: பிரபல வீரர்கள் எதிர்ப்பு!