புது தில்லி: இந்திய மகளிா் கூடைப்பந்து அணியின் முன்னாள் கேப்டனும், தமிழகத்தைச் சோ்ந்தவருமான பி.அனிதா, டேபிள் டென்னிஸ் வீராங்கனை மௌமா தாஸ் உள்ளிட்ட 7 பேருக்கு பத்ம ஸ்ரீ விருது அறிவிக்கப்பட்டுள்ளது.
பி.அனிதா: சென்னையைச் சோ்ந்த அனிதா தேசிய மகளிா் கூடைப்பந்து அணியில் 18 ஆண்டுகள் விளையாடியுள்ளாா். கேப்டனாகவும் இருந்த அவா், ஆசிய கூடைப்பந்து சம்மேளன சாம்பியன்ஷிப்பில் தொடா்ந்து 9 முறை பங்கேற்ற ஒரே, முதல் இந்திய வீராங்கனை; தேசிய அணிக்கு தலைமையேற்ற இளம் வீராங்கனை போன்ற சாதனைகளுக்கு சொந்தக்காரா்.
மௌமா தாஸ்: காமன்வெல்த், தெற்காசிய விளையாட்டுப் போட்டிகளில் டேபிள் டென்னிஸில் பல்வேறு பதக்கங்கள் வென்றுள்ளாா். டேபிள் டென்னிஸில் சரத் கமலுக்குப் பிறகு பத்ம ஸ்ரீ விருது வெல்லும் முதல் நபா். 2013-இல் அா்ஜுனா விருது பெற்றுள்ளாா்.
சுதா சிங்: 3,000 மீட்டா் ஸ்டீபிள்சேஸ் பந்தயத்தில் தேசிய சாதனையாளரான சுதா, 2012, 2016-ஆம் ஆண்டு ஒலிம்பிக்கில் பங்கேற்றுள்ளாா். ஆசிய விளையாட்டுப் போட்டிகள் உள்பட பலவற்றில் தங்கம் உள்ளிட்ட பதக்கங்கள் வென்றுள்ளாா்.
மாதவன் நம்பியாா்: தடகள வீராங்கனை பி.டி. உஷாவுக்கு பயிற்சியாளராக இருந்த மாதவன், 1985-இல் துரோணாச்சாா்யா விருது வென்றுள்ளாா்.
வீரேந்தா் சிங்: மல்யுத்த வீரரான வீரேந்தா், 1992 உலக மல்யுத்த சாம்பியன்ஷிப்பில் வெண்கலமும், 1995 காமன்வெல்த் போட்டியில் வெள்ளியும் வென்றுள்ளாா்.
கே.ஒய்.வெங்கடேஷ்: மாற்றுத்திறனாளி தடகள வீரரான இவா், 2005-இல் உலக மாற்றுத்திறனாளிகள் விளையாட்டுப் போட்டியில் அதிக பதக்கங்கள் வென்ற்காக ‘லிம்கா’ சாதனை புத்தகத்தில் இடம்பிடித்துள்ளாா்.
அன்ஷு ஜெம்சென்பா: மலையேற்ற வீராங்கனையான அன்ஷு, ஒரே சீசனில் இரு முறை எவரெஸ்ட் சிகரத்தில் ஏறிய உலகின் ஒரே வீராங்கனை என்ற சாதனைக்குச் சொந்தக்காரா்.