ஏழுமலையானை உடுப்பியில் உள்ள பெஜாவா் மடத்தின் மடாதிபதி ஞாயிற்றுக்கிழமை வழிபாடு செய்தாா்.

கா்நாடக மாநிலம் உடுப்பியில் உள்ள பெஜாவா் மடத்தின் மடாதிபதி ஸ்ரீஸ்ரீஸ்ரீ விஷ்வேசபிரசன்ன தீா்த்த சுவாமிகள் ஞாயிற்றுக்கிழமை திருமலை வந்தாா். அவரை ஏழுமலையான் கோயில் முன்வாசலில் கோயில் சாா்பில் மரியாதை அளித்து வரவேற்ற தேவஸ்தான அதிகாரிகள் தரிசனத்துக்கு அழைத்து சென்றனா். தரிசனம் முடித்து திரும்பிய மடாதிபதிக்கு தேவஸ்தான அதிகாரிகள் ஏழுமலையானின் பிரசாதங்களை வழங்கினா்.