வியாழக்கிழமை 19 செப்டம்பர் 2019

ஆழ்வார் திருமஞ்சனத்தையொட்டி திருச்சானூரில் 5 மணி நேரம் தரிசனம் ரத்து

DIN | Published: 11th September 2019 11:15 AM

 

திருச்சானூர் பத்மாவதி தாயார் கோயிலில் நடந்த கோயில் ஆழ்வார் திருமஞ்சனத்தையொட்டி 5 மணி நேரம் தாயார் தரிசனம் ரத்து செய்யப்பட்டது.

திருச்சானூரில் உள்ள பத்மாவதி தாயாருக்கு செப். 12 முதல் சனிக்கிழமை செப்.14 வரை வருடாந்திர பவித்ரோற்சவம் நடைபெற உள்ளது. அதை முன்னிட்டு செவ்வாய்க்கிழமை காலை தாயார் கோயில் முழுவதும் சுத்தம் செய்யும் கோயில் ஆழ்வார் திருமஞ்சனம் நடத்தப்பட்டது. செவ்வாய்க்கிழமை காலை தாயாரை சுப்ரபாதத்துடன் எழுப்பி அர்ச்சகர்கள் தாயாருக்கு அபிஷேகம், தீப, தூப ஆராதனைகள் நடத்தினர். 

அதன்பின் தோமாலை, அர்ச்சனா உள்ளிட்ட சேவைகள் தாயாருக்கு தனிமையில் நடத்தப்பட்டது. பின்னர், காலை 6 மணி முதல் 10 மணி வரை கோயில் வெளிவாசல் முதல் கருவறை வரை மங்கல திரவிய கலவையால் சுத்தப்படுத்தப்பட்டது. இதில், தேவஸ்தான அதிகாரிகள் கலந்து கொண்டனர். சுத்தம் செய்யப்பட்ட பின் பூஜைப் பொருள்கள் கருவறைக்குள் கொண்டு செல்லப்பட்டன. தரிசன வரிசைகள் அமைக்கப்பட்டு, புதிய திரைச்சீலைகள் போடப்பட்டது. 

அதன்பின் பக்தர்கள் தாயாரின் தரிசனத்துக்காக அனுமதிக்கப்பட்டனர். இதை முன்னிட்டு தாயார் தரிசனம் 5 மணி நேரம் ரத்து செய்யப்பட்டது. காலை நடைபெறும் கல்யாண உற்சவம், குங்குமார்ச்சனை உள்ளிட்ட சேவைகளும் ரத்து செய்யப்பட்டன.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!
Tags : Azvaar Thirumanjanam திருச்சானூர் பத்மாவதி தாயார்

More from the section

திருப்பதியில் செப்.30 முதல் நவராத்திரி பிரம்மோற்சவ விழா துவக்கம்
திருப்பரங்குன்றத்தில் செப்.27-ல் வேல் எடுக்கும் விழா
ஒரு வேளை சாப்பிடுபவன் யோகி என்கிறது ஜோதிடம்!
புரட்டாசி மாதப் பலன்கள்: பார்த்தால் பசுவாம், பாய்ந்தால் புலியாம் இந்த ராசிக்காரர்கள்?
திருப்பதி தேவஸ்தான அறங்காவலர் குழு: தமிழகத்தைச் சேர்ந்த 4 பேர் உள்பட 24 உறுப்பினர்கள் நியமனம்