உங்கள் விருப்பங்கள் விரைவாக நிறைவேற வேண்டுமா? இதைச் செய்து பாருங்களேன்..!

நம்முடைய வாழ்க்கையை மாற்ற வேண்டும் என்பதில் நாம் எவ்வளவு ஆர்வமாக இருக்கிறோமோ..
உங்கள் விருப்பங்கள் விரைவாக நிறைவேற வேண்டுமா? இதைச் செய்து பாருங்களேன்..!

நம்முடைய வாழ்க்கையை மாற்ற வேண்டும் என்பதில் நாம் எவ்வளவு ஆர்வமாக இருக்கிறோமோ அதேபோல் அந்த மாற்றம் விரைவாக நிகழ வேண்டும் என்றும் ஆசைப்படுவோம். ஆனால் அவசரம் என்பது கூட ஒரு எதிர்மறை உணர்வு தான்.

மாற்றங்கள் விரைவாக நிகழ வேண்டும் என்று சொன்னால் நாம் நன்றியுணர்வோடு வாழ வேண்டியது அவசியம். இதுவரை நீங்கள் நன்றியுணர்வோடு இருந்தீர்களா என்பது இப்போது விஷயமல்ல. இந்த நொடியிலிருந்து நன்றியுணர்வோடு வாழப் போகிறேன் என்று உறுதிமொழி எடுத்துக்கொள்ளுங்கள். 

உங்கள் வாழ்க்கை படிப்படியாக மாறும் என்ற புரிதலோடு முன்னேறுங்கள். வாழ்க்கை உங்கள் வசமாகட்டும். உங்களுக்குப் பயன்படும் அனைத்து விஷயங்களுக்கும் நன்றி செலுத்துங்கள். உங்கள் உறவுகளுக்கு நன்றி செலுத்துங்கள்.

நீங்கள் நன்றி செலுத்தும் அனைத்து விஷயங்களையும் பட்டியலிடுங்கள். ரகசியம் திரைப்படத்தில் கூறியது போல் அதன் மாயாஜாலத்தை வார்த்தைகளால் விவரிக்க இயலாது. நாம் ஒவ்வொரு வேளை உணவு உண்ண வேண்டும் என்று சொன்னால் அதன் பின்னால் எத்தனை மனிதர்களின் உழைப்பும், இயற்கையின் கொடையும் இருக்கிறது என்று சிந்தித்துப் பார்க்கிறேன்.

எத்தனை நெற்பயிர்களின் தியாகம் இருக்கிறது என்பது உணரும்போது..

ஒரு உயிரின் தியாகம் தான் மற்றொரு உயிரின் வாழ்க்கை. நம்மைச் சுற்றி உள்ள அனைத்துமே ஏதோ ஒரு வகையில் நம் தேவைகளைப் பூர்த்தி செய்து கொண்டிருக்கிறது என்பது தான் உண்மை.

உண்மையில் நாம் நன்றி செலுத்தும் விஷயங்கள் தான் அதிகமே தவிரக் குறைகூறும் விஷயங்கள் அல்ல. ஒரு செயலை துவங்கும்போதும் நன்றி என்று சொல்லுங்கள்.

முடிந்த பின்னும் நன்றி என்று சொல்லுங்கள். இனி செய்யப்போகும் செயலுக்கும் நன்றி என்று சொல்லுங்கள். உங்களுடைய ஒரே பிரார்த்தனை நன்றி செலுத்துவது தான் என்றால், அது போதும்.

நாம் நன்றியுணர்வுடன் வாழத் துவங்கியதும் நம் வாழ்வில் ஏற்படும் மாற்றங்களை நம்மால் உணர முடியும். அதன் சக்தியை நீங்கள் உணர ஆரம்பிப்பீர்கள். அது உங்கள் வாழ்வில் உள்ள அனைத்தையும் மாற்றும் வல்லமையை உங்களுக்குக் கொடுக்கும். நாம் எதற்கு நன்றி செலுத்துகிறோமோ அதையே பெறுகிறோம். நீங்கள் நன்றி செலுத்தும் விஷயங்கள் உங்கள் வாழ்வில் அதிகரிக்கத் துவங்கும். 

நன்றியுணர்வு நீங்கள் எப்போதும் நல்ல உணர்வுடன் இருப்பதை உறுதி செய்து உங்கள் விருப்பங்கள் விரைவாக நிகழ அது வழி செய்யும்.

வாழ்க வளமுடன்..

- கோவை பாலகிருஷ்ணன் 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com