செவ்வாய்க்கிழமை 17 செப்டம்பர் 2019

அத்திவரதரை தரிசிக்க காஞ்சிபுரம் வருகிறார் குடியரசுத் தலைவர்: பாதுகாப்பு ஏற்பாடுகள் தீவிரம்

Published: 12th July 2019 12:50 PM

அத்திவரதரை தரிசிக்க குடியரசுத்தலைவர் ராம்நாத் கோவிந்த் சென்னை வருவதையொட்டி, காஞ்சிபுரத்தில் பாதுகாப்பு ஏற்பாடுகள் தீவிரப்படுத்தப்பட்டுள்ளன. 

அத்திவரதரை தரிசிக்க வழக்கம் போல் காலை 5 மணிக்கு கிழக்கு கோபுரம் வழியாக பக்தர்கள் அனுமதிக்கப்படுவர். இதையடுத்து, நண்பகல் 12.30 மணியளவில் கிழக்கு கோபுரம் வழியாக பொதுதரிசனம், முக்கியஸ்தர்கள் தரிசனம் நிறுத்தப்பட்டுள்ளது. 

இதையடுத்து, பாதுகாப்புப் பணிகள் தீவிரப்படுத்தப்பட்டு, பிற்பகல் 2.30 மணியளவில் பச்சையப்பன் ஆடவர் கல்லூரி வளாகத்தில் அமைக்கப்பட்டுள்ள ஹெலிகாப்டர் இறங்கு தளத்தில் குடியரசுத் தலைவர் வருகை புரியவுள்ளார். 

தொடர்ந்து, 3 மணியிலிருந்து 4 மணிக்குள் அவர் அத்திவரதரை தரிசனம் செய்த பிறகு புறப்பட்டுச் செல்கிறார். 

குடியரசுத்தலைவர் புறப்பட்ட பிறகு வழக்கம் போல் மாலை 4.30 மணியிலிருந்து பொதுமக்கள் அத்திவரதரை தரிசனம் செய்யலாம். 

குடியரசுத் தலைவர் வருகையையொட்டி மூன்று அடுக்கு பாதுகாப்பு போடப்பட்டுள்ளது. சுமார் 2,000 போலீஸாருக்கு மேல் பணியில் அமர்த்தப்படவுள்ளனர் என மாவட்ட நிர்வாகம் சார்பில் தெரிவிக்கப்பட்டுள்ளது.
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!
Tags : குடியரசுத் தலைவர் காஞ்சிபுரம் அத்தி வரதர்

More from the section

ஜாதகருக்கு திடீர் தடுமாற்றம் பாதகமா! சாதகமா!!
ஆவணி மாத சங்கடஹர சதுர்த்தி இன்று! விநாயகர் கோயிலுக்குப் போக மறக்காதீங்க..!!
சத்தியமங்கலம் ஸ்ரீ அங்காள பரமேஸ்வரி அம்மன் கோயிலில் ஷோடச மஹாலக்ஷமி யாகம்
கொளத்தூர் பிரசன்ன வெங்கடேச பெருமாள் கோயிலில் 37-ம் ஆண்டு திருக்கல்யாண மஹோத்சவம்
மஹாளய அமாவாசையில் தர்ப்பணம், சிரார்த்தம் குறித்த சந்தேகங்களும், பதில்களும்!