சனிக்கிழமை 20 ஜூலை 2019

திருமலையில் பார்வேட்டை உற்சவம்

DIN | Published: 17th January 2019 02:50 AM
பாபவிநாசம் செல்லும் மார்க்கத்தில் உள்ள பார்வேட்டு மண்டபத்தில் நடைபெற்ற பார்வேட்டை உற்சவம். 


திருமலையில் மாட்டுப் பொங்கலையொட்டி, புதன்கிழமை பார்வேட்டை உற்சவம் விமரிசையாக நடைபெற்றது.
திருமலையில் ஆண்டுதோறும் மாட்டுப் பொங்கல் நாள் அன்று ஏழுமலையான் வனத்துக்கு வேட்டைக்குச் செல்லும் பார்வேட்டை உற்சவம் நடைபெறுவது வழக்கம். அதன்படி, புதன்கிழமை மாட்டுப் பொங்கலையொட்டி, திருமலையில் பார்வேட்டை உற்சவம் நடைபெற்றது. 
அதை முன்னிட்டு ஏழுமலையான் கோயிலிலிருந்து மலையப்ப சுவாமி மற்றும் ஸ்ரீகிருஷ்ணர் உள்ளிட்ட உற்சவ மூர்த்திகள் பாபவிநாசம் செல்லும் மார்க்கத்தில் உள்ள பார்வேட்டு மண்டபத்துக்குக் கொண்டு செல்லப்பட்டனர். அங்கு அவர்களுக்கு அர்ச்சகர்கள் ஆஸ்தானம் நடத்தினர். அதன்பின், மலையப்ப சுவாமி கையில் வில், வாள், கேடயம், கத்தி உள்ளிட்டவற்றை ஏந்திக் கொண்டு, விலங்குகளை வேட்டையாடும் நிகழ்ச்சியை அர்ச்சகர்களும், தேவஸ்தான அதிகாரிகளும் நடத்தினர்.
அதன்பின், மாலை 5 மணிக்கு உற்சவ மூர்த்திகள் கோயிலை வந்தடைந்தனர். இதில், பக்தர்கள், தேவஸ்தான அதிகாரிகள், ஊழியர்கள் கலந்து கொண்டனர்.


 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

காவி நிறப்பட்டில் அருள் பாலிக்கும் அத்திவரதர்: சுவாமியை தரிசிக்க எவ்வளவு நேரம் ஆகிறது?
மீனாட்சி -  சுந்தரேசுவரர் கோயிலில் ஆடிமுளைக்கொட்டுத் திருவிழா
ஆண்டாள் கிளியுடன் நீலப் பட்டாடையில் காட்சியளித்த அத்திவரதர்: ரூ.300 கட்டணத்தில் விரைவு தரிசனம் அறிமுகம்
திருப்பதி பக்தி சேனல் தலைவராக பிருத்வி பாலிரெட்டி நியமனம்
ஏழுமலையான் உண்டியல் காணிக்கை ரூ.3.26 கோடி