வெள்ளிக்கிழமை 23 ஆகஸ்ட் 2019

தேவி கருமாரியம்மன் கோயிலில் சித்ரா பெளர்ணமி விழா தொடக்கம்

DIN | Published: 19th April 2019 02:51 AM
திருவடிசூலம் தேவி கருமாரியம்மன் கோயிலில் சிறப்பு அலங்காரத்தில் காட்சியளித்த விஷ்ணு துர்க்கை.

செங்கல்பட்டை அடுத்த திருவடிசூலம் கோயில்புரத்தில் உள்ள தேவி கரிமாரியம்மன் கோயிலில் சித்ரா பெளர்ணமி விழா வியாழக்கிழமை சிறப்புப் பூஜைகளுடன் தொடங்கியது. 
திருவடிசூலம் ஆதிமகா சக்தி பீடத்தில் தேவி கருமாரியம்மன் கோயில் அமைந்துள்ளது. இக்கோயிலில் சித்ரா பௌர்ணமி விழா வியாழக்கிழமை தொடங்கியது. இதையொட்டி காலை முதல் விழுப்புரம், சென்னை, தாம்பரம், செங்கல்பட்டு, திருப்போரூர், திருவடிசூலம் உள்ளிட்ட பகுதிகளில் இருந்து 350-க்கும் மேற்பட்ட பக்தர்கள் இருமுடி சுமந்து கோயிலுக்கு வந்தனர். தாங்கள் கொண்டுவந்த நெய்யைக் கொண்டு, கோயிலில் உள்ள சுயம்பு சொர்ணாம்பிகைக்கு அபிஷேகம் செய்தனர். இதையடுத்து சொர்ணாம்பிகைக்கு சிறப்பு அலங்காரமும் மகாதீபாராதனையும் நடைபெற்றன. 
விழாவையொட்டி அம்மனுக்கு பாதாபிஷேகமும், விநாயகர், விஷ்ணு, துர்க்கை, மந்திர வாராகி, ராஜமாதங்கி, பிரத்யங்கராதேவி உள்ளிட்டோருக்கு சிறப்பு அபிஷேகமும் நடத்தப்பட்டன. விழா ஏற்பாடுகளை ஆலய நிறுவனர் மதுரை முத்து சுவாமிகள் மற்றும் விழாக் குழுவினர் செய்துள்ளனர்.

 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

அத்திவரதரை தரிசிக்கவில்லையே என்ற கவலையா? (விடியோ)
வட மாநிலங்களில் கிருஷ்ண ஜெயந்தி விழா கோலாகலம்! புகைப்படங்கள்
கிருஷ்ணருக்கு மட்டும் இதெல்லாம் பிடிக்கிறது ஏன்?
இந்த வாரம் (ஆக.23 - 29) அதிர்ஷ்டத்தை அள்ளும் ராசிகளில் உங்க ராசி இருக்கா?
சென்னையில் திருப்பதியைப் போன்ற மிகப்பெரிய கோயிலைக் கட்ட தேவஸ்தானம் முடிவு